Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Luk 20:​37, 38—Yesu yɔɔdaa se sɩɖaa fezuu tɔm kɛ toovenim tɔm nɛ halɩ Yehowa ɛsɩndaa lɛ pɩwɛ ɛzɩ sɩɖaa nɛ pɛ-ɛsa yɔ

• Yoh 11:​5, 6, 11-14—Alɩwaatʋ ndʋ Yesu taabalʋ kɩbanʋ Lazaarɩ sɩba yɔ, Yesu kpaɣ sɩm nɛ ɛmaɣzɩnɩ ɖom

• Ebr 2:​14, 15—Apostoloo Pɔɔlɩ lɩzɩ pɩ-taa se sɔɔndʋ kpaɣ ɛyaa sakɩyɛ nɛ sɩm pɩdɩɩfɛyɩ, ɛlɛ ɖa lɛ pɩtɩpɔzɩ se sɔɔndʋ ɛkpa-ɖʋ mbʋ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Bibl heyiɣ-ɖʋ se pefezi ɛyaa nabɛyɛ 8 nɛ paɖaɣnɩ caɣʋ wezuu tɛtʋ yɔɔ, nɛ kiheyiɣ-ɖʋ ɖɔɖɔ se pefezi Yesu nɛ ɛkpa ɛsɔdaa. Ye ŋlesi ñɛ-ɛyʋ kʋsɔɔlʋ nɔɔyʋ nɛ ŋwɛɛ kʋñɔwiye taa yɔ ɛyaa mba, pɔ-yɔɔ kɛdɛsɩ pɩzɩɣ nɛ sɩhɛzɩ ña-laŋɩyɛ nɛ sɩha-ŋ lidaʋ

  • 1Aw 17:​17-24—Nayʋ Eliya fezi halʋ lelu nɔɔyʋ pɩyalʋ Siidɔɔ tɛtʋ ndʋ payaɣ se Sarfaatɩ yɔ tɩ-taa

  • 2Aw 4:​32-37—Nayʋ Eliizee fezi abalɩbɩɣa nakɛyɛ Sunɛm tɛtʋ taa nɛ ɛcɛlɩ-kɛ ka-lʋlɩyaa

  • 2Aw 13:​20, 21—Sɩɖʋ nɔɔyʋ tomnaɣ tukuni nayʋ Eliizee mɔɔ nɛ efe

  • Luk 7:​11-15—Yesu katɩ samaɣ nakɛyɛ Nayiinɩ tɛtʋ taa, kaawɛɛ nɛ kowoki se kepi sɩɖʋ nɔɔyʋ, pɩɩkɛ halʋ lelu nɔɔyʋ pɩyalʋ nɛ Yesu fezi sɩɖʋ ɛnʋ

  • Luk 8:​41, 42, 49-56—Yesu fezi Sinaagɔɔgɩ yɔɔ cɔnɩyʋ Yayiruusi pɛlɛ

  • Yoh 11:​38-44—Yesu fezi ɛ-taabalʋ kʋsɔɔlʋ Lazaarɩ nɛ ɛcɛlɩ-ɩ ɛ-kɔɔnaa Maarta nɛ Maarɩɩ

  • Tʋm 9:​36-42—Apostoloo Pɩyɛɛrɩ fezi Dɔɔrkaasɩ, ɛɛkɛ Krɩstʋ tʋ halɩñɩnʋ nɛ pasɩmɩ-ɩ se ɛlakɩ camɩyɛ lakasɩ

  • Tʋm 20:​7-12—Apostoloo Pɔɔlɩ fezi evebu weyi payaɣ se Etiisi yɔ. Ɛɛsɩba mbʋ pʋyɔɔ yɔ ɛɛcaɣ mondoɖebɔʋ nakʋyʋ yɔɔ nɛ ɛlɩɩnɩ peeɖe nɛ ɛtɔlɩ

• Yehowa fezi Yesu nɛ ɛha-ɩ waɖɛ nɛ ɛpɩsɩ fezuu ŋgʋ kɩɩsɩkɩ yɔ; piyeki se ɖa-taa ɛtɛ se tamasɩ nzɩ payɩ Ɛsɔ labɩ-ɖʋ yɔ, sɩkaɣ labʋ

  • Tʋm 17:31; 1Pɩ 3:18

• Yesu kɛnɩ kajalaɣ tʋ weyi Yehowa fezaa nɛ ɛkpa ɛsɔdaa nɛ ɛpɩsɩ fezuu ŋgʋ kɩɩsɩkɩ yɔ, ɛlɛ pɩtɩkɛ ɛnʋ lɛ kɛdɛzaɣ tʋ; mbʋ ɖɔɖɔ pefeziɣ ɛ-wayɩ tɩŋɩyaa pata-m numwaa 144000

  • 1Kɔ 15:​20, 23, 51-53; 1Te 4:​16, 17; Nat 14:1