Izénplus di Bíblia ki pode djuda-u:

• Lu 20:37, 38 — Jizus splika ma resureison é un kuza tantu sértu ki pa Deus é sima si kes ki sta mortu sta bibu.

• Jn 11:5, 6, 11-14 — Dipôs ki amigu di Jizus móre, el konpara mórti ku sónu.

• Eb 2:14, 15 — Apóstlu Paulu splika ma nu ka meste ser skravu pamodi medu di mórti.

 Izénplus di Bíblia ki pode djuda-u:

• Bíblia ta pâpia di 9 resureison, 8 di kes algen vive na téra. Si móre un algen ki nu ta ama, nu pode atxa konsolu i speransa na kada un di kes stória sobri resureison.

  • 1Rs 17:17-24 — Proféta Elias resusita fidju di un viúva na Sarefá, na un sidadi na Sidon.

  • 2Rs 4:32-37 — Proféta Elizeu resusita un rapazinhu na sidadi di Sunén i el da se pai ku se mai el.

  • 2Rs 13:20, 21 — Korpu di un ómi mortu toka na osu di Elizeu, i kel ómi resusita.

  • Lu 7:11-15 — Na sidadi di Nain, Jizus para un funeral i el resusita fidju di un viúva.

  • Lu 8:41, 42, 49-56 — Jizus resusita fidju-fémia di Jairu, ki éra prizidenti di un sinagóga.

  • Jn 11:38-44 — Jizus resusita se amigu Lázaru, i el intrega-l pa se irmans, Marta i Maria.

  • At 9:36-42 — Apóstlu Pedru resusita Dorkas, ki éra konxedu pa kes kuza dretu ki el ta fazeba.

  • At 20:7-12 — Apóstlu Paulu resusita un jóven ki txomaba Êutiku, ki móre dipôs ki el kai di un janéla.

• Jeová resusita Jizus Kristu i el da-l un vida ki ka ta kaba na séu, i kel-la ta poi tudu kes promésa di Deus ta ben kunpri na futuru.

  • At 17:31; 1Pe 3:18

• Jizus é kel primeru ki resusitadu pa bai pa séu i el dadu un vida ki ka ta kaba, má é ka sô el. Kes 144 mil ki skodjedu ku spritu santu tanbê ta resebe un resureison sima di sel.

  • 1Ko 15:20, 23, 51-53; 1Te 4:16, 17; Ap 14:1