တၢ်အဒိအတဲာ်လၢ လံာ်စီဆှံပူၤ–

• လူၤ ၂၀:၃၇, ၃၈—ယ့ၣ်ၡူးတဲဝဲလၢ ခီဖျိလၢ တၢ်ဂဲၤဆၢထၢၣ်သမူထီၣ်က့ၤ ကအိၣ်ဝဲနီၢ်ကီၢ်အဃိ လၢကစၢ်ယွၤအမဲာ်ညါန့ၣ် ပှၤသံတဖၣ်န့ၣ် အလီၤဂာ်ဒ် ပှၤလၢအမူဒံးဝဲအသိး.

• ယိၤ ၁၁:၅, ၆, ၁၁-၁၄—ဖဲယ့ၣ်ၡူး အသကိး စီၤလါစရူး သံဝံၤအလီၢ်ခံ ယ့ၣ်ၡူးတဲဝဲလၢ တၢ်သံန့ၣ်အလီၤဂာ်ဒ်သိးဒီး တၢ်မံ.

• ဧ့ၤ ၂:၁၄, ၁၅—တၢ်မၢဖိပီလူး ပာ်ဖျါထီၣ်ဝဲလၢ ပှၤအါဂၤ ပျံၤတၢ်သံအဃိ အဝဲသ့ၣ်ကဲထီၣ်ဝဲ တၢ်သံအကုၢ်. ဘၣ်ဆၣ် ပတအိၣ်ဒီးတၢ်ပျံၤဒ်န့ၣ်ဘၣ်.

 တၢ်အဒိအတဲာ်လၢ လံာ်စီဆှံပူၤ–

• လံာ်စီဆှံ ပာ်ဖျါထီၣ်ဝဲ ပှၤသံလၢ အဂဲၤဆၢထၢၣ်သမူထီၣ်က့ၤ ခွံဂၤအဂ့ၢ်. ပှၤဃိးဂၤန့ၣ် အဝဲသ့ၣ် ဂဲၤဆၢထၢၣ်သမူထီၣ်က့ၤ ဒီးအိၣ်ဘၣ်က့ၤလၢဟီၣ်ခိၣ် လၢအသီတဘျီ မ့တမ့ၢ် ပှၤခွံဂၤတဂၤ လၢအကဲယ့ၣ်ၡူးန့ၣ် အက့ၤထီၣ်လၢမူခိၣ်. အဃိ ပှၤလၢပအဲၣ်အီၤတဖၣ် မ့ၢ်သံသဒၣ်ပှၤသနာ်က့ တၢ်ဂဲၤဆၢထၢၣ်သမူထီၣ်အဂ့ၢ်လၢ လံာ်စီဆှံအပူၤန့ၣ် ကမၤမုာ်ထီၣ်ပသး.

  • ၁ စီၤပၤ ၁၇:၁၇-၂၄—ဝံအ့ၤလံယၤ မၤသမူထီၣ်က့ၤ မုၣ်ကမဲလၢ အအိၣ်လၢ စၤရဖၤသး လၢဝ့ၢ်စံဒိၣ်အပူၤတဂၤ အဖိခွါ.

  • ၂ စီၤပၤ ၄:၃၂-၃၇—လၢဝ့ၢ်ၡူန့ၣ်အပူၤန့ၣ် ဝံအလံၤၡါ မၤသမူထီၣ်က့ၤ ပိာ်ခွါဖိသၣ်တဂၤ ဒီးဟ့ၣ်လီၤက့ၤလၢ အမိအပါအအိၣ်.

  • ၂ စီၤပၤ ၁၃:၂၀, ၂၁—ပိာ်ခွါလၢအသံတဂၤန့ၣ် ဖဲအစိၣ် လဲၤဘၣ်ဒီး ဝံအလံၤၡါ အဃံတဖၣ်အခါ ပိာ်ခွါတဂၤန့ၣ် သမူထီၣ်က့ၤဝဲ.

  • လူၤ ၇:၁၁-၁၅—ဖဲဝ့ၢ်နၤအံၣ်န့ၣ် ယ့ၣ်ၡူးထံၣ်ဝဲလၢ ပှၤကမျၢၢ်တဖၣ် ကလဲၤခူၣ်လီၤ မုၣ်ကမဲတဂၤအဖိခွါအခါ ယ့ၣ်ၡူးမၤသမူထီၣ်က့ၤဝဲ မုၣ်ကမဲတဂၤန့ၣ်အဖိခွါ.

  • လူၤ ၈:၄၁, ၄၂, ၄၉-၅၆—စီၤယၤအ့ၤရူးန့ၣ် အကဲဝဲ ဘူၣ်ဘျီၣ်ခိၣ်တဂၤ ဒီးယ့ၣ်ၡူး မၤသမူထီၣ်က့ၤ အဖိမုၣ်.

  • ယိၤ ၁၁:၃၈-၄၄—ယ့ၣ်ၡူးမၤသမူထီၣ်က့ၤ အသကိး စီၤလါစရူးအဃိ စီၤလါစရူး အိၣ်ဘၣ်က့ၤတပူၤဃီဒီး အဒီပုၢ်ဝဲၢ်မုၣ် နီၢ်မၢ်သၤ ဒီးနီၢ်မၤရံ.

  • မၤတၢ် ၉:၃၆-၄၂—တၢ်မၢဖိပီလူး မၤသမူထီၣ်က့ၤ နီၢ်ဒီၢ်ကါ. နီၢ်ဒီၢ်ကါန့ၣ် အသူၣ်ဂ့ၤသးဝါအဃိ ဒီပုၢ်ဝဲၢ်မုၣ်ခွါတဖၣ် အဲၣ်အီၤဒိၣ်မး.

  • မၤတၢ် ၂၀:၇-၁၂—ဖဲစီၤအူတူၤဃူး လီၤတဲာ်လၢပဲတြီဖိ ဒီးသံဝဲအခါ တၢ်မၢဖိပီလူး မၤသမူထီၣ်က့ၤအီၤ.

• ယဟိဝၤယွၤ မၤသမူထီၣ်က့ၤ ယ့ၣ်ၡူးဒ်ပှၤနီၢ်သးဖိတဂၤ လၢမူခိၣ်အဃိ ခါဆူညါန့ၣ် ယ့ၣ်ၡူးကမၤလၢပှဲၤထီၣ် ယဟိဝၤယွၤ အတၢ်အၢၣ်လီၤအီလီၤ ခဲလၢာ်.

  • မၤတၢ် ၁၇:၃၁; ၁ ပ့း ၃:၁၈

• ယ့ၣ်ၡူးမ့ၢ် ပှၤအဆိကတၢၢ်တဂၤလၢ အဂဲၤဆၢထၢၣ်သမူထီၣ်က့ၤ လၢမူခိၣ် ဒီးအတသံနီတဘျီလၢၤဘၣ်. ဒီးပှၤဒိးဖှူသးအဂၤ ၁၄၄,၀၀၀ စ့ၢ်ကီး တသံဝဲနီတဘျီလၢၤဘၣ်.

  • ၁ ကရံၣ် ၁၅:၂၀, ၂၃, ၅၁-၅၃; ၁ သ့း ၄:၁၆, ၁၇; လီၣ် ၁၄:၁