Ndiko motudore gi wachno:

• Luk 20:37, 38​—Yesu nowacho ni chier en gima biro timore gadier kendo ni e wang’ Jehova, chal ka gima joma otho pod ngima

• Joh 11:5, 6, 11-14​—Ka ne osiep Yesu miluongo ni Lazaro otho, Yesu nopimo thone gi nindo

• Hib 2:14, 15​—Jaote Paulo nowacho ni ji mang’eny osebedo wasumbni nikech luoro mar tho, to wan ok onego wabed kamano

Ndiko motudore gi wachno:

• Muma wuoyo e wi ji aboro ma nochier mondo odag e pinyka, to bende owuoyo e wi Yesu ma nochier mondo odag e polo. Ka nitie watni kata osiepni moro ma osetho, inyalo yudo hoch kuom somo ndiko ma wuoyo e wi chier ma notimorego

  • 1Ru 17:17-24​—Janabi Elija nochiero wuod chi liel ma nodak Zarefath, e piny Sidon

  • 2Ru 4:32-37​—Janabi Elisha nochiero wuoyi moro e taon mar Shunem kae to ochiwe ne jonyuolne

  • 2Ru 13:20, 21​—Ka ne ringre jal moro ma ne otho omulo choke Elisha, ng’atno nobedo mangima

  • Luk 7:11-15​—Yesu nochiero wuod chi liel moro ma ne oyudo idhi yik e taon mar Nain

  • Luk 8:41, 42, 49-56​—Yesu nochiero nyar Jairo, ma ne en jatend sunagogi

  • Joh 11:38-44​—Yesu nochiero osiepne ma Lazaro ma ne en owadgi Maria gi Maritha

  • Tic 9:36-42​—Jaote Petro nochiero Dorkas, ma nong’ere kaka Jakristo mang’won kendo ma jachiwo

  • Tic 20:7-12​—Jaote Paulo nochiero rawera moro miluongo ni Yutiko, ma ne olwar piny kowuok e dirisa mi otho

• Jehova nochiero Yesu ma omiye del ma ok nyal tho e polo, to mano miyo wabedo gadier ni singo duto mag Jehova biro chopo kare

  • Tic 17:31; 1Pe 3:18

• Yesu e ma nokwong chier gi del mar polo; ji 144,000 ma biro locho kode bende yudo chier ma kamano

  • 1Ko 15:20, 23, 51-53; 1Th 4:16, 17; Fwe 14:1