Pipas wañukuptin llakisqa kaymanta
¿Bibliapi ima willakuykunawanmi yachanchik kuyasqa ayllunchik wañukuptinqa unay llakikusqanchikta?
Ge 23:2; 24:67; 37:34, 35; 42:36; Jn 11:19, 31, 33-36
Qawaytaq 2Sa 1:17-27; Hch 9:36-39 nisqantapas.
¿Imaynatam yachanchik Jehova Diosqa llakisqa sunquyuqkunata yanapaykuy munasqanmanta?
¿Imanasqataq wañukuqkuna imayna kasqankumanta yachayqa sunqunchikta tiyaykachin?
-
Kaywan tupaq bibliapi willakuykuna:
-
Lu 20:37, 38. Jesusqa nirqam wañusqakuna ciertopuni kawsarimunankumanta, chaymi nirqa Jehova Diospaqqa wañuqkunaqa kawsachkanmankupas hina kasqanta.
-
Jn 11:5, 6, 11-14. Amistadnin Lazaro wañukuptinmi Jesusqa yachachirqa wañusqakunaqa puñuchkaq hina kasqankumanta.
-
Heb 2:14, 15. Apostol Pablom nirqa imanasqa wañuyta mana manchakunanchikmanta.
-
¿Imanasqataq bibliapi nin pipapas wañukusqan punchaw aswan valorniyuq kasqanta nacesqan punchawmantaqa?
¿Imawanmi bibliapi tupachin wañuyta hinaspa imananqam Diosqa wañuyta?
¿Imanasqam mana iskayrayanchikchu wañusqakuna kawsarimunankumanta?
Is 26:19; Jn 5:28, 29; Hch 24:15
-
Kaywan tupaq bibliapi willakuykuna:
-
Bibliapiqa willawanchikmi isqun runakuna kawsarichisqa kasqankumanta, paykunamanta pusaq runakunam kay pachapi hinalla kawsakurqaku. Kay willakuykunaqa sunqunchiktam tiyaykachinman hinaspa yanapawanchikman kuyasqanchik ayllunchik kawsarimunankuta suyananchikpaq.
-
1Re 17:17-24. Sidon lawpi Sarepta llaqtayuq viudapa warmachan wañukuptinmi Elias kawsarirachirqa.
-
2Re 4:32-37. Sunem llaqtapim qari warmachata Eliseo kawsarirachirqa, hinaspam tayta-mamanman quykapurqa.
-
2Re 13:20, 21. Pampanankupaq apasqanku runapa cuerponmi kawsarirurqa wañukuq Eliseopa tullunkunaman tuparuspan.
-
Lu 7:11-15. Nain llaqtapim viudapa sapallan qari wawanta pampanankupaq apachkaptinku Jesus kawsarirachirqa.
-
Lu 8:41, 42, 49-56. Jesusmi kawsarirachirqa Jairopa warmi warmachanta, Jairoqa karqa huñunakuna wasipi kamachiqmi.
-
Jn 11:38-44. Jesusmi amistadnin Lazarota kawsarirachirqa, hinaspam panin Martaman hinaspa Mariaman entregaykurqa.
-
Hch 9:36-42. Apostol Pedrom Dorcasta kawsarirachirqa. Paymi tukuy allinkunata ruwaq, chaymi iñiqkunapa kuyasqan karqa.
-
Hch 20:7-12. Apostol Pablom kawsarirachirqa Eutico sutiyuq musuta, payqa ventanapi tiyachkaspanmi wichiykuspa wañururqa.
-
-
Jehova Diosmi Jesucristota kawsarichirqa espiritu cuerpoyuqtaña. Payta kawsarirachisqanwanmi seguro kanchik Jehova Diosqa tukuy ima niwasqanchikta cumplinanmanta.
-
Jesusmi puntata kawsarichisqa karqa hanaq pachapi yachananpaq hinaspa mana haykapipas wañunanpaq. 144.000 hanaq pachapaq akllasqakunapas chayna kawsarichisqam kanku.
-
¿Imaynatam yanapachwan ayllunku wañukuptin llakisqa kaqkunata?