Ho Sarelwa ka Lebaka la ho Shwelwa
Ke mehlala efe e tswang ka Bibeleng e bontshang hore ha se phoso ho lla ha re shwetswe?
Keng e bontshang hore Jehova o labalabela ho tshedisa ba shwetsweng?
Ho tseba hore na ho etsahalang ha motho a shwa ho ka re tshedisa jwang?
-
Mehlala ya batho ba ka Bibeleng e ka o thusang:
-
Lu 20:37, 38—Jesu o ne a kgodisehile hore bafu ba tla tsoswa, ke ka hoo a ileng a re ho Jehova ho tshwana le ha eka ba ntse ba phela
-
Joh 11:5, 6, 11-14—Jesu o ile a bapisa lefu le boroko ka mora hore motswalle wa hae Lazaro a hlokahale
-
Heb 2:14, 15—Moapostola Pauluse o ile a re kgothaletsa hore re se ke ra ba makgoba a ho tshaba lefu
-
Keng e etsang hore lebitso la motho le be bohlokwa haholo ha a hlokahala ho feta ha a hlaha?
Bibele e hlalosa lefu jwang, hona Modimo o tlo etsang ka lona?
Keng e ka re kgodisang hore bafu ba tla tsoswa?
Esa 26:19; Joh 5:28, 29; Dik 24:15
-
Mehlala ya batho ba ka Bibeleng e ka o thusang:
-
Bibele e bua ka batho ba robedi ba ileng ba tsoswa mme ba phela hape mona lefatsheng le a le mong ya ileng a tsosetswa ho phela lehodimong. Haeba o hlokahaletswe ke motho eo o mo ratang, ditemana tse latelang di ka o tshedisa tsa ba tsa o fa tshepo
-
1Ma 17:17-24—Moprofeta Elia o ile a tsosa mora wa mohlolohadi ya neng a dula Sarepta e Sidone
-
2Ma 4:32-37—Moprofeta Elisha o ile a tsosa moshanyana e mong ya neng a dula Shuneme, ka mora ho mo tsosa o ile a mo fa batswadi ba hae
-
2Ma 13:20, 21—Monna ya neng a sa tswa hlokahala o ile a phela hape ha setopo sa hae se thetsa masapo a moprofeta Elisha
-
Lu 7:11-15—Ha Jesu a le Naine, o ile a kopana le letshwele le neng le ilo pata mora wa mohlolohadi e mong yaba o a mo tsosa
-
Lu 8:41, 42, 49-56—Jesu o ile a tsosa moradi wa monna ya bitswang Jairuse ya neng a sebetsa ntlong ya thapelo
-
Joh 11:38-44—Jesu o ile a tsosa motswalle wa hae Lazaro mme Lazaro a boela a ba le dikgaitsedi tsa hae e leng Maria le Maretha
-
Dik 9:36-42—Moapostola Petrose o ile a tsosa Dorkase ya neng a tumme ka ho etsetsa batho ba bang dintho tse molemo
-
Dik 20:7-12—Moapostola Pauluse o ile a tsosa mohlankana ya bitswang Eutikase ya ileng a shwa a wele fensetereng ho tswa mokatong wa boraro
-
-
Taba ya hore Jehova o ile a tsosa Jesu hore a yo phela lehodimong a se a sa shwe, e etsa hore re kgodisehe hore ditshepiso tsohle tsa hae di tla phethahala
-
Jesu ke motho wa pele wa ho tsosetswa ho phela lehodimong mme o ne a ke ke a hlola a shwa. Batlotsuwa ba 144 000 le bona ba tsosetswa ho ya phela lehodimong mme ba ke ke ba hlola ba shwa
-
Re ka tshedisa batho ba hlokahaletsweng ke batho bao ba ba ratang jwang?