Talanoa Fakatohitapu mahuʻinga:

• Luke 20:​37, 38—ʻOku fakamatalaʻi ʻe Sīsū ko e toetuʻú ʻoku papau ʻaupito ʻo hangē ia ko e kau maté ʻoku nau kei moʻui pē ʻi he vakai ʻa e ʻOtuá

• Sione 11:​5, 6, 11-14—Hili ʻa e mate hono kaumeʻa ʻofeina ko Lāsalosí, ʻoku fakahoa ʻe Sīsū ʻa e maté ki he mohé

• Hep. 2:​14, 15—ʻOku fakamatala ʻa e ʻapositolo ko Paulá ki he ʻikai fiemaʻu ke tau pōpula ki he manavahē ki he maté

Talanoa Fakatohitapu mahuʻinga:

• Ko e toetuʻu ʻe hiva ʻoku fakamatalaʻi ʻi he Tohi Tapú, ko e valu ai ke nau moʻui ʻi he māmaní. Ki he faʻahinga ʻoku nau mamahi ʻi he mole ha taha ʻoku nau ʻofa ai, ko e fakamatala taki taha ko ení ʻokú ne ʻomai ʻa e fakafiemālie mo e ʻamanaki ki he kahaʻú

  • 1 Tuʻi 17:​17-24—ʻOku fokotuʻu hake ʻe he palōfita ko ʻIlaisiaá ha tama ʻa ha uitou ʻi Salepita, ko ha kolo ʻi Saitoni

  • 2 Tuʻi 4:​32-37—ʻOku fokotuʻu hake ʻe he palōfita ko ʻIlaisá ha kiʻi tamasiʻi ʻi he kolo ko Sūnemí pea ʻoatu ia ki heʻene ongo mātuʻá

  • 2 Tuʻi 13:​20, 21—Ko ha tangata ʻa ia naʻá ne toki mate ʻoku fokotuʻu hake ia ʻi he taimi naʻe lave ai hono sinó ki he ngaahi hui ʻo ʻIlaisa ko e palōfitá

  • Luke 7:​11-15—ʻI he kolo ko Neiní, ʻoku taʻofi ʻe Sīsū ha putu ʻoku fata mai ko ha tama ʻa ha uitou peá ne fokotuʻu hake ia

  • Luke 8:​41, 42, 49-56—ʻOku fokotuʻu hake ʻe Sīsū ʻa e kiʻi taʻahine ʻa Siailosí, ko ha ʻōfisa ʻi he sinakoké

  • Sione 11:​38-44—ʻOku fokotuʻu hake ʻe Sīsū hono kaumeʻa ʻofeina ko Lāsalosí, peá ne ʻoatu ia ki hono ongo tuofāfiné, ʻa Māʻata mo Mele

  • Ngā. 9:​36-42—ʻOku fokotuʻu hake ʻe he ʻapositolo ko Pitá ʻa Toakase, ko ha Kalisitiane ʻofeina ʻoku ʻiloa ia ʻi heʻene ngaahi ngāue anga-ʻofá

  •  Ngā. 20:​7-12—ʻOku fokotuʻu hake ʻe he ʻapositolo ko Paulá ha kiʻi talavou ko ʻŪtiko, ʻa ia naʻá ne mate ʻi heʻene tō mei ha matapā-teke

• Ko Sīsū Kalaisi ʻokú ne toetuʻu hake ko ha tokotaha laumālie taʻefaʻamate, ʻa ia ʻoku fakapapauʻi ai ʻa e kotoa ʻetau ʻamanaki ki he kahaʻú

  • Ngā. 17:31; 1 Pita 3:18

• Ko Sīsū ʻa e ʻuluaki tokotaha ke fokotuʻu hake ki hēvani pea ʻoange ki ai ʻa e moʻui taʻefaʻamaté ka ʻoku ʻikai ko ia ʻa e fakamuimui tahá; ko hono kau muimui pani ʻe toko 144,000 ʻoku nau toe maʻu foki ha toetuʻu meimei tatau

  • 1 Kol. 15:​20, 23, 51-53; 1 Tes. 4:​16, 17; Fkh. 14:1