Ol eksampel long Baibel:

• Lu 20:​37, 38—Jisas i tok kirap bek em samting tru tru bai kamap, i olsem man i dai em i stap laip long tingting bilong God

• Jon 11:​5, 6, 11-14—Bihain long gutpela pren bilong em Lasarus i dai, Jisas i tok dai i olsem man i slip

• Hi 2:​14, 15—Aposel Pol i tok yumi no ken larim pasin bilong pret long dai i kalabusim yumi

Ol eksampel long Baibel:

• Baibel i stori long 9-pela kirap bek, 8-pela bilong ol dispela kirap bek i bin kamap long graun. Ol dispela stori i ken mekim gut bel bilong ol lain husat i krai sori long wanpela ol i laikim tumas i dai na helpim ol long wetim gutpela samting bai kamap bihain

  • 1Ki 17:​17-24—Profet Elaija i kirapim bek pikinini man bilong wido meri bilong Sarefat, em wanpela taun long Saidon

  • 2Ki 4:​32-37—Profet Elisa i kirapim bek wanpela mangi long taun Sunem na givim em i go bek long papamama bilong em

  • 2Ki 13:​20, 21—Wanpela man i dai i no longtaim i go pinis i kirap bek taim bodi bilong em i go pas long ol bun bilong profet Elisa

  • Lu 7:​11-15—Long taun Nain, Jisas i stopim ol manmeri i krai sori bilong planim pikinini man bilong wido meri na em i kirapim em bek long dai

  • Lu 8:​41, 42, 49-56—Jisas i kirapim bek liklik pikinini meri bilong Jairus, em wanpela ofisa bilong sinagog

  • Jon 11:​38-44—Jisas i kirapim bek gutpela pren bilong em Lasarus, na givim em bek long Marta na Maria, em tupela susa bilong Lasarus

  • Ap 9:​36-42—Aposel Pita i kirapim bek Dorkas, em wanpela meri Kristen i save mekim gutpela pasin long ol narapela

  • Ap 20:​7-12—Aposel Pol kirapim bek wanpela yangpela man nem bilong em Yutikus, husat i bin pundaun long windo i go daun na dai

• Jisas i bin kirap bek na kisim laip olsem spirit long heven na em i no inap dai gen, long dispela rot olgeta tok promis bilong God bai kamap tru long bihain

  • Ap 17:31; 1Pi 3:18

• Jisas em fes man long kirap bek olsem wanpela spirit long heven na em i no inap dai gen, tasol em i no laspela man long kirap bek olsem, lain 144,000 em God i bin makim, ol bai kirap bek long wankain pasin

  • 1Ko 15:​20, 23, 51-53; 1Te 4:​16, 17; Re 14:1