Àpẹẹrẹ inú Bíbélì:

• Lk 20:37, 38—Jésù sọ pé ńṣe ló dà bíi pé àwọn tó ti kú wà láàyè lójú Ọlọ́run, èyí sì jẹ́ ká rí i pé ó dájú pé àwọn òkú máa jíǹde

• Jo 11:5, 6, 11-14—Lẹ́yìn tí Lásárù tó jẹ́ ọ̀rẹ́ àtàtà Jésù kú, ó sọ pé ńṣe ló dà bíi pé Lásárù ń sùn

• Heb 2:14, 15—Àpọ́sítélì Pọ́ọ̀lù ṣàlàyé pé kò yẹ ká jẹ́ kí ìbẹ̀rù ikú mú wa lẹ́rú

Àpẹẹrẹ inú Bíbélì:

• Bíbélì sọ̀rọ̀ nípa èèyàn mẹ́jọ tó kú tí wọ́n sì pa dà jíǹde sáyé, ó tún sọ̀rọ̀ nípa àjíǹde Jésù sí ọ̀run. Tí èèyàn ẹ bá kú, àwọn àpẹẹrẹ yìí lè tù ẹ́ nínú, wọ́n sì lè fún ẹ nírètí

  • 1Ọb 17:17-24—Wòlíì Èlíjà jí ọmọkùnrin opó kan dìde ní Sáréfátì, tó wà nílùú Sídónì

  • 2Ọb 4:32-37—Wòlíì Èlíṣà jí ọmọkùnrin kan dìde nílùú Ṣúnémù, ó sì fa ọmọ náà lé àwọn òbí ẹ̀ lọ́wọ́

  • 2Ọb 13:20, 21—Nígbà tí òkú ọkùnrin kan fara kan egungun Èlíṣà, ọkùnrin tó ti kú náà jí dìde

  • Lk 7:11-15—Nígbà tí Jésù wà nílùú Náínì, ó rí àwọn èrò tó fẹ́ lọ sin ọmọkùnrin opó kan, Jésù sì jí ọmọ náà dìde

  • Lk 8:41, 42, 49-56—Alága sínágọ́gù ni Jáírù, ọmọbìnrin rẹ̀ kú, Jésù sì jí ọmọ náà dìde

  • Joh 11:38-44—Jésù jí Lásárù ọ̀rẹ́ rẹ̀ dìde, Lásárù sì láǹfààní láti wà pẹ̀lú àwọn arábìnrin rẹ̀, Màtá àti Màríà lẹ́ẹ̀kan sí i

  • Iṣe 9:36-42—Kristẹni táwọn èèyàn fẹ́ràn ni Dọ́káàsì torí pé ó lawọ́ ó sì tún jẹ́ onínúure. Nígbà tó kú, àpọ́sítélì Pétérù jí i dìde

  • Iṣe 20:7-12—Ọ̀dọ́kùnrin kan tó ń jẹ́ Yútíkọ́sì kú nígbà tó ṣubú láti ojú fèrèsé. Àpọ́sítélì Pọ́ọ̀lù sì jí ọ̀dọ́kùnrin náà dìde

• Nígbà tí Jésù kú, Jèhófà jí i dìde gẹ́gẹ́ bí ẹ̀dá ẹ̀mí tí kò lè kú mọ́, èyí sì mú kó dájú pé àwọn ìlérí Jèhófà máa ṣẹ

  • Iṣe 17:31; 1Pe 3:18

• Jésù lẹni àkọ́kọ́ tí Jèhófà jí dìde sí ọ̀run, tí kò sì ní kú mọ́ láé àmọ́ kì í ṣe òun nìkan ló máa nírú àjíǹde yìí, àwọn ẹni àmì òróró tí iye wọn jẹ́ 144,000 náà máa jíǹde sí ọ̀run

  • 1Kọ 15:20, 23, 51-53; 1Tẹ 4:16, 17; Ifi 14:1