Piuque
Biblia mu ti piuque adentulei taiñ chumngechi chengen, taiñ raquiduam, taiñ duam, taiñ chumngen. ¿Chumngelu (chemu) feipiafuiñ tüfa?
Sl 49:3; Pr 16:9; Lu 5:22; Hch 2:26
Ca inaduamfinge Dt 15:7; Sl 19:8.
-
Falinque nütram Biblia mu:
-
Lu 9:46-48. Jesús ngüneduamüñmafi ñi piuque tañi pu apostol, ayüfui engün ñi doicüleal. Feimu Jesús norümtufi engün.
-
¿Chumngelu fente falin-ngei cuñiutucuafiel taiñ piuque?
1Cr 28:9; Pr 4:23; Jer 17:9
-
Falinque nütram Biblia mu:
-
Gé 6:5-7. Re huesaque raquiduam mülelu am pu che ñi piuque mu, ti mapu apolei huesaque dungu mu, feimu Chau Dios cüpali ti Fütra Mangin Co.
-
1Re 11:1-10. Salomón cuñiutucuulai ñi piuque, feimu nierpufi fentren domo ca mapu cüpalu, tüfa huelucünuñmaeyu ñi piuque ta Salomón ñi poyeafiel coilaque dios.
-
Mr 7:18-23. Jesús quimeltui ñi tripaquen piuque mu huesaque illutun, tüfa yeafeiñmu ñi femal huesaque dungu Chau Dios ñi üdequeel.
-
¿Chumngechi cuñiutucuafuiñ taiñ piuque?
Sl 19:14; Pr 3:3-6; Lu 21:34; Flp 4:8
Ca inaduamfinge Esd 7:8-10; Sl 119:11.
-
Falinque nütram Biblia mu:
-
Ef 6:14-18; 1Te 5:8. Ti soltau tucutuuquei ñi rücu ñi cuñiutucuafiel tañi piuque. Ca femngechi ti apostol Pablo feipi tati nor dungu, ti feyentun ca ti piuqueyen cuñiutucuñmaqueiñmu taiñ piuque.
-
¿Chumngechi quimafuiñ ñi cümelcalenon taiñ piuque?
Pr 21:2-4; Heb 3:12
Ca inaduamfinge Pr 6:12-14.
-
Falinque nütram Biblia mu:
-
2Cr 25:1, 2, 17-27. Ellaca mu ti lonco ülmen Amasías cümeque dungu femquei Chau Jehová ñi adquiñ mu, huelu quiñeucülelai tañi piuque. Feimu mallmahurpui, feyentunielafi ta Jehová, fei cutrancahui.
-
Mt 7:17-20. Jesús quimeltui quiñe huesa anümca hulquei huesaque fün. Ca femngechi huesalcalele taiñ piuque, huesaque dungu femaiñ.
-
¿Chumngelu mülei ñi cümelcaleal taiñ piuque? ¿Chumngechi femafuiñ?
Pr 10:8; 15:28; Lu 6:45
Ca inaduamfinge Sl 119:97, 104; Ro 12:9-16; 1Ti 1:5.
-
Falinque nütram Biblia mu:
-
2Re 20:1-6. Ti lonco ülmen Ezequías com piuque mu serfiniefi ta Chau Jehová, feimu llellipufi ñi montulaeteu epe lalu.
-
Mt 21:28-32. Quiñe nütram mu Jesús quimeltui quiñe che tañi femquen mu quimfalcünuquei ñi chumngechilen tañi piuque.
-
¿Chumngelu yafültucuqueiñmu quimfiel Chau Jehová ñi ngüneduamquefiel taiñ piuque?
1Cr 28:9; Jer 17:10
Ca inaduamfinge 1Sa 2:3.
-
Falinque nütram Biblia mu:
-
1Sa 16:1-13. Samuel quimürpui Chau Jehová ngüneduamüñmaquelafi pu che ñi ad, doi mai tañi piuque.
-
2Cr 6:28-31. Salomón llellipulu ñi chalintucual ti ngillatuhue ruca, pengeli Chau Jehová quimniei chem taiñ nieel piuque mu, fei eluuquei taiñ quelluaeteu.
-