Bigda unu ñañ u Bibel:

• Luk. 9:46-48—Yésu a bi kodol banigil bé inyule a bi yi miñem nwap, kiki ba bé kaa inyu bitel

Bigda mini miñañ mi Bibel:

• Bib. 6:5-7—Béba i i bé ikété ñem mut yon i bi sôk ôbôs hisi, jon Djob a bi lona ntida malép

• 1 Bik. 11:1-10—Kiñe Salômô a bi tat bé ñem wé, a bii ngandak bakén ba bôda, ba sôk hiel ñem wé, a waa gwélél Yéhôva

• Mar. 7:18-23—Yésu a bi kal le mahoñol mabe, ma ma nhindis mut i mis ma Djob, ma mpémél i ñem

Bigda unu ñañ u Bibel:

• Éfé. 6:14-18; 1 Tés. 5:8—I ngéda a bé pôdôl bijôl bi gwét bi bikristen, ñôma Paul a bi kal le telepsép, hémle, ni gwéha, bi nla tat ñem wés i pes mbuu, nlélém kiki ben tôl i ntat ñem wés i pes minsôn

Bigda mini miñañ mi Bibel:

• 2 Miñ. 25:1, 2, 17-27—I bibôdle, Kiñe Amazia a bé boñ mam malam i mis ma Yéhôva, ndi ni ñem wé wonsôna bé; i mbus, a yila ngôk, a ndogbene Yéhôva, a kôhna bikuu

• Mat. 7:17-20—Yésu a bi kal le kiki béba e i num matam mabe, hala nyen, ibale di gwé mahoñol mabe mu ñem wés, ma ga tinde bés i boñ béba

Bigda mini miñañ mi Bibel:

• 2 Bik. 20:1-6—I ngéda Kiñe Hézékia a bi kwo kon, a ba bebee ni nyemb, a bi yemhe le Yéhôva a kon nye ngoo, a bigda le a bi gwélél nye ni ñem wé wonsôna

• Mat. 21:28-32—Yésu a bi gwélél hihéga hiada inyu toñol le maboñok ma mut mon ma nyelel libak li ñem wé, he bé i mam a mbôn le a ga boñ

Bigda mini miñañ mi Bibel:

• 1 Sam. 16:1-13—Mpôdôl Samuel a bi nigil le Yéhôva a mbéñge bé ndik i mam ma nene i mis, ndi a ñañ miñem

• 2 Miñ. 6:28-31—Masoohe ma Kiñe Salômô inyu mayibil ma témpel ma ñunda le Djob a nyi i mam ma yé bés i ñem, a gwéélak ki i yi i inyu unda bés konangoo