Biblu’n nun ndɛ mɔ be kwla uka e’n:

• Lik 9:​46-48—Zezi tuli i akoto’m be fɔ afin ɔ wunnin be awlɛn’n nun kɛ be kunndɛ kɛ bé yó sran dan.

Biblu’n nun ndɛ mɔ be kwla uka e’n:

• Bob 6:​5-7—Nowe blɛ su’n, sran’m be klun akunndan’n yoli tɛ dan ti’n, Ɲanmiɛn tɔli Nzue Dan kun fa nunnunnin be.

•  1Fa 11:​1-10—Famiɛn Salomɔn w’a sɛsɛmɛn i awlɛn’n. I ti’n, ɔ jali nvle uflɛ nun bla mun. Yɛ be kusu be yoli maan i awlɛn tuli Zoova su.

• Mar 7:​18-23—Zezi kleli kɛ like tɛ kwlaa nga sran kun kwla yo’n, ɔ bo i bo i awlɛn’n nun.

Biblu’n nun ndɛ mɔ be kwla uka e’n:

• Efɛ 6:​14-18; 1Te 5:8—Kɛ akoto Pɔlu kán Ɲanmiɛn i alɛ ninnge’m be ndɛ’n, ɔ seli kɛ sa nuan su sɛsɛ yolɛ’n nin Ɲanmiɛn sulafilɛ’n ɔ nin klolɛ’n be kwla sasa e awlɛn’n, kɛ nga like kokloko nga be fa sasa be wue’n ɔ sasa be awlɛn ba’n sa.

Biblu’n nun ndɛ mɔ be kwla uka e’n:

• 2Ɲo 25:​1, 2, 17-27—Blɛ wie nun’n, Famiɛn Amazia yoli sa ng’ɔ ti kpa Ɲanmiɛn ɲrun’n. Sanngɛ w’a fɛmɛn i awlɛn’n kwlaa w’a yoman. Ɔ maan kɛ ɔ́ kɔ́ i ɲrun’n, ɔ tuli i wun yɛ i ɲin w’a yiman Zoova kun. I ti’n, ɔ wunnin i ɲrun kpa.

• Mat 7:​17-20—Zezi kleli kɛ, kɛ nga waka tɛ kwlaa su mma tɛ’n sa’n, i wafa kunngba’n sɛ e awlɛn’n ti tɛ’n é yó sa tɛtɛ mun wie.

Biblu’n nun ndɛ mɔ be kwla uka e’n:

• 2Fa 20:​1-6—I nun mɔ Famiɛn Ezekiasi la wie bɛ su’n, ɔ srɛli Zoova tankaan kpa kɛ ɔ si i aunnvɔɛ, afin ɔ fɛli i awlɛn’n kwlaa suli i.

• Mat 21:​28-32—Zezi fali sunnzun ase kun fa kleli kɛ like ng’ɔ o sran kun i awlɛn’n nun’n yɛ ɔ fite ninnge ng’ɔ yo be’n be nun-ɔn, nán ninnge ng’ɔ se kɛ ɔ́ wá yó be’n be nun yɛ ɔ fite-ɔ.

Biblu’n nun ndɛ mɔ be kwla uka e’n:

• 1Sa 16:​1-13—Ɲanmiɛn nuan ijɔfuɛ Samiɛli wunnin i wlɛ kɛ Zoova liɛ’n ɔ fɛmɛn i ɲin sieman ninnge nga e ɲinma wun be’n be ngunmin su. Sanngɛ ɔ nian sran’n i awlɛn’n nun wie.

• 2Ɲo 6:​28-31—Kɛ bé yí Zoova i sua’n i nglo’n, ndɛ nga Famiɛn Salomɔn kɛnnin i i srɛlɛ’n nun’n ɔ kle kɛ Ɲanmiɛn nian e awlɛn’n nun lɔ naan ɔ́ sí e aunnvɔɛ yɛ ɔ́ úka e.