Ekhọe
De emwi ne Baibol tae nọ ya ima rẹn wẹẹ, a ghaa guan kaẹn ekhọe ugbẹnso, aro ọmwa ne ọmwa khin ẹre a guan kaẹn? Vbe ima vbe ya rẹn hẹ wẹẹ, ọna vbe dekaẹn emwi ne ọmwa mu roro vbe ekhọe, emwi nọ yae ru emwi eso nọ ru, uyinmwẹ ọnrẹn kevbe vbene emwi ye ẹre hẹ?
Psm 49:3; Itan 16:9; Luk 5:22; Iwinna 2:26
Vbe ya ghee Diut 15:7; Psm 19:8
-
Igiemwi nọ rre Baibol nọ gha sẹtin ru iyobọ nuẹn:
-
Luk 9:46-48—Jesu keghi dia avbe ukọ ẹre ye odẹ, vbe ọ ghi bẹghe ẹre wẹẹ, iran mwẹ ekhọe itengbemu
-
Vbọzẹ nọ na khẹke ne ima gbogba ga ekhọe ọghe ima?
1 Krọ 28:9; Itan 4:23; Jer 17:9
-
Igiemwi ni rre Baibol ni gha sẹtin ru iyobọ nuẹn:
-
Gẹn 6:5-7—Ekhọe dan ne emwa nagbọn ghaa mwẹ vbe ẹghẹ e Noa, ẹre ọ ya iran gha gbinna igbinna igbinna; ọna ẹre ọ si ẹre ne Jehova na ya Okpamẹ fuẹn iran ruan
-
1 Ọba 11:1-10—Ọba e Sọlomọn ma gbogba ga ekhọe ọre, ọ na ya viọ ikhuo eghọẹn rọnmwẹ ni ghi do mu ẹre ekhọe rhia, rhunmwuda ọni, ọ ma ghi sẹtin ya ekhọe hia ga e Jehova
-
Mak 7:18-23—Jesu gi ima rẹn wẹẹ, emwi hia nọ gha sẹtin ya ima khian enọ ma huan vbe aro Osanobua, uwu ekhọe ẹre ọ ke zọọ ladian
-
Vbe ima khian ya sẹtin gbogba ga ekhọe ima hẹ?
Psm 19:14; Itan 3:3-6; Luk 21:34; Fil 4:8
Vbe ya ghee Ẹzr 7:8-10; Psm 119:11
-
Igiemwi nọ rre Baibol nọ gha sẹtin ru iyobọ nuẹn:
-
Ẹfis 6:14-18; 1 Tẹs 5:8—Vbe ukọ e Pọl ghi guan kaẹn emwi igbinna nọ ke obọ Osanobua rre, ọ keghi gi ima rẹn wẹẹ, iruemwiẹse, amuẹtinyan kevbe ahoẹmwọmwa gha sẹtin gbogba ga ekhọe ima, zẹvbe ne uhanhan ẹwẹ ya gbogba ga ẹkokoudu ọmwa
-
Vbe ima khian ya rẹn hẹ deghẹ ekhọe ima i ghi winna ẹse?
Itan 21:2-4; Hib 3:12
Vbe ya ghee Itan 6:12-14
-
Igiemwi ni rre Baibol ni gha sẹtin ru iyobọ nuẹn:
-
2 Krọ 25:1, 2, 17-27—Ọba Amazaia keghi ru emwi nọ maan vbe aro Osanobua vbe ovbi ẹghẹ kherhe, sokpan, ọ ma ya ekhọe hia ru ẹre; ẹdẹ ghi rrie ẹdẹ, ọ na suẹn gha tọn egbe mu, ọ na vbe sọtẹ daa e Jehova. Ọna ẹre ọ si ẹre ne ọkhọ na rruan rẹn vbe okiekie
-
Mat 7:17-20—Jesu gi ima rẹn wẹẹ, deghẹ ima na gha mwẹ ekhọe dan, emwi dan ẹre ima khian vbe gha ru, rhunmwuda, erhan nẹi maan i khian sẹtin mọ ọmọ nọ maan
-
Vbọzẹ nọ na khẹke ne ima hia ne ima gha mwẹ ekhọe nọ maan? Vbọ khian vbe ru iyobọ ne ima ya sẹtin gha mwẹ ọnrẹn?
Itan 10:8; 15:28; Luk 6:45
Vbe ya ghee Psm 119:97, 104; Rom 12:9-16; 1 Tim 1:5
-
Igiemwi ni rre Baibol ni gha sẹtin ru iyobọ nuẹn:
-
2 Ọba 20:1-6—Vbe Ọba e Hẹzẹkaia ghi rre agbanmwẹ idin, ọ keghi rinmwian e Jehova nọ tohan irẹn, nẹ ghẹ mianmian wẹẹ, ekhọe hia ẹre irẹn ya gae
-
Mat 21:28-32—Jesu keghi zẹ erre ọkpa nọ ya gi ima rẹn wẹẹ, emwi ne ọmwa ru, ẹre a ya rẹn emwi nọ rre ọre ekhọe, ẹ i mobọ wa re emwi nọ ta
-
Vbọzẹ nọ na rhie igiọdu ne ima, ne ima na rẹn wẹẹ, e Jehova ghee emwi nọ rre ima ekhọe?
1 Krọ 28:9; Jer 17:10
Vbe ya ghee 1 Sam 2:3
-
Igiemwi ni rre Baibol ni gha sẹtin ru iyobọ nuẹn:
-
1 Sam 16:1-13—Akhasẹ ighẹ e Samuẹl keghi do bẹghe ẹre wẹẹ, ekhọe ẹre Jehova ghee, ẹ i re ikpakpa
-
2 Krọ 6:28-31—Erhunmwu ne Ọba e Sọlomọn naẹn vbe ẹghẹ na ya ya ọgua Osa fiohan ne Jehova keghi ya ima rẹn wẹẹ, e Jehova rẹn emwi nọ da ima vbe orhiọn, ọ vbe mu egbe nọ ya tohan ima
-
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
