Mbandu ya Biblia yina ke sadisa beto:

• Luk 9:46-48​—Yezu longisilaka bantumwa sambu na kikalulu ya lulendo yina Yezu monaka na bantima na bo

Bambandu ya Biblia yina ke sadisa beto:

• Kuy 6:5-7​—Sambu mambu ya mbi fulukaka na ntima ya bantu, bo kumaka kusala mubulu, yo yina Nzambi nokisaka Mvula ya Ngolo na ntoto ya mvimba

• 1Bn 11:1-10​—Ntotila Salomo taninaka ve ntima na yandi, yandi kwelaka bankento ya banzenza mpi bankento yina pusaka yandi na kuyambula Yehowa

• Mar 7:18-23​—Yezu tubaka nde mambu yonso ya mbi ke katukaka na ntima mpi yo ke kumisaka muntu mvindu na meso ya Nzambi

Mbandu ya Biblia yina ke sadisa beto:

• Efe 6:14-18; 1Te 5:8​—Ntangu Polo tendulaka binwaninu ya kimpeve, yandi monisaka nde lunungu, lukwikilu mpi zola lenda tanina ntima na beto ya kifwani mutindu bima ya basoda ke lwataka na ntulu ke taninaka ntima na bo na bigonsa

Bambandu ya Biblia yina ke sadisa beto:

• 2Bs 25:1, 2, 17-27​—Na ntangu mosi buna, ntotila Amasia salaka mambu ya mbote kansi na ntima ya mvimba ve. Na nima, yandi kumaka lulendo mpi lemfukilaka diaka ve Nzambi, yo natilaka yandi bampasi

• Mat 7:17-20​—Yezu monisaka nde mutindu nti ya mbi ke butaka bambuma ya mbi, ntima ya mbi ke salaka nde muntu kuvanda ti bikalulu ya mbi

Bambandu ya Biblia yina ke sadisa beto:

• 2Bn 20:1-6​—Ntangu ntotila Ezekiasi zolaka kufwa, yandi bondilaka Yehowa na kuwila yandi mawa sambu yandi sadilaka Yehowa na ntima ya mvimba

• Mat 21:28-32​—Yezu pesaka mbandu sambu na kumonisa nde mambu ya muntu ke salaka ke katukaka na ntima kansi mpenza ve na mambu yina yandi ke tubaka

Bambandu ya Biblia yina ke sadisa beto:

• 1Sa 16:1-13​—Profete Samuele bakisaka nde Yehowa ke tulaka ve dikebi na mutindu muntu ke monanaka, kansi yandi ke talaka ntima

• 2Bs 6:28-31​—Kisambu ya ntotila Salomo salaka na nkinsi ya kukangula tempelo ke monisa nde Nzambi ke zabaka mambu yina kele na ntima ya muntu mpi ke zabaka beto mbote-mbote