Omutima
Ombiibeli oya ulika ngahelipi kutya omutima wopafaneko ou li ounhu womeni, mwa kwatelwa omadiladilo, omalinyengotomheno, omaukwatya nomaliudo?
Eps 49:3; Omayel 16:9; Luk 5:22; Oil 2:26
Tala yo Deu 15:7; Eps 19:8
-
Oihopaenenwa tai tu kwafele:
-
Luk 9:46-48 — Jesus okwa li a pukulula ovayapostoli vaye, molwaashi okwa mona momitima davo kutya ova li va hala okukala va fimana
-
Omolwashike sha fimana okwaamena omitima detu?
1Omaf 28:9; Omayel 4:23; Jer 17:9
-
Oihopaenenwa tai tu kwafele:
-
Gen 6:5-7 — Eshi oukolokoshi nomauko mai omitima dovanhu wa hapupala, Kalunga okwa li e va hanauna po nEyelu
-
1Eeh 11:1-10 — Ohamba Salomo oya li ya dopa okwaamena omutima wayo, eshi ya hombola ovakainhu ovanailongo, ovo va hongaula omutima wayo, iha longele Jehova noudiinini
-
Mar 7:18-23 — Jesus okwa ti kutya omahalo mai omomutima, oo haa ningifa omunhu a longe osho shii koshipala shaKalunga
-
Ongahelipi hatu dulu okwaamena omitima detu?
Eps 19:14; Omayel 3:3-6; Luk 21:34; Flp 4:8
Tala yo Esra 7:8-10; Eps 119:11
-
Oihopaenenwa tai tu kwafele:
-
Ef 6:14-18; 1Te 5:8 — Omuyapostoli Paulus okwa ti kutya oilwifo yopamhepo ngaashi ouyuki, eitavelo nohole ohai amene omutima wopafaneko, ngaashi ashike oshipapa shoponhulo hashi amene omutima wo venevene
-
Ohatu shiiva ngahelipi kutya omutima wetu wopafaneko ou na oupyakadi?
Tala yo Omayel 6:12-14
-
Oihopaenenwa tai tu kwafele:
-
2Omaf 25:1, 2, 17-27 — Ohamba Amasia oya kala tai ningi osho sha yuka koshipala shaKalunga oule wokafimbo, ashike mokweendelako kwefimbo, oya ka kala i na ounhwa, ihai dulika kuJehova, noya li ya mona oilanduliko inyikifa oluhodi
-
Mat 7:17-20 — Jesus okwa popya mefaneko kutya omuti mwii ohau imi oiimati ii, sha hala okutya omauko mai omutima ohaa etifa elihumbato lii
-
Omolwashike tu na okukala nomutima muwa, nongahelipi hatu dulu oku shi ninga?
Tala yo Eps 119:97, 104; Rom 12:9-16; 1Tm 1:5
-
Oihopaenenwa tai tu kwafele:
-
2Eeh 20:1-6 — Eshi ohamba Hiskia ya li tai vele noi li pokufya, oya li ya pula Jehova meilikano e i file onghenda, molwaashi oya kala noku mu longela nomutima aushe
-
Mat 21:28-32 — Jesus okwa longifa efaneko a ulike kutya eenghatu detu odo unene hadi ulike osho shi li komutima, shi dulife osho hatu popi
-
Omolwashike tashi hekeleke okushiiva kutya Jehova oku wete osho shi li momitima detu?
1Omaf 28:9; Jer 17:10
Tala yo 1Sam 2:3
-
Oihopaenenwa tai tu kwafele:
-
1Sam 16:1-13 — Omuprofeti Samuel okwe lihonga kutya Jehova iha tale omunhu kombada, ndele ounhu womeni womomutima
-
2Omaf 6:28-31 — Eilikano lohamba Salomo peyapulo lotembeli ola ulika kutya Jehova oha mono osho shi li momitima
-
Otashi dulika yo u hafele oikundafanwa ei
OSHUNGONANGELO — OSHIFO SHOKUKONAKONWA
Lungamena eemhangela domutima
Omafimbo amwe otashi dulika tu kendabale momitima detu okuyukifa eenghatu detu da puka. Oshike tashi dulu oku tu kwafela tu mone lela osho shi li momitima detu?
JESUS OYE ONDJILA, NOSHILI NOMWENYO
Ovayapostoli tava tu eemhata kombinga yao munene mokati kavo
Ovayapostoli ova li va dimbwa oshilihongomwa osho Jesus e va honga onguloshi oyo.
OVANYASHA TAVA PULA
Ongahelipi handi dulu okudeula eliudo lange?
Eliudo loye ohali ulike kutya ove omunhu a tya ngahelipi noshike wa pitifa komesho. Eliudo loye ohali ulike shike shi na sha naave?
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.
