တၢ်အဒိအတဲာ်လၢ လံာ်စီဆှံပူၤ–

• လူၤ ၉:၄၆-၄၈—ယ့ၣ်ၡူးသ့ၣ်ညါဝဲလၢ အတၢ်မၢဖိတဖၣ်န့ၣ် အဝဲသ့ၣ် အဲၣ်ဒိးကဲထီၣ်ပှၤလၢ အဒိၣ်ကတၢၢ်အဃိ ယ့ၣ်ၡူးဘှီဘၣ်ထီၣ်က့ၤ အဝဲသ့ၣ် အတၢ်ပာ်သူၣ်ပာ်သး.

 တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၆:၅-၇—ပှၤဟီၣ်ခိၣ်ဖိတဖၣ် အသးပူၤအိၣ်ထဲ တၢ်အၢတၢ်သီအဃိ အဝဲသ့ၣ် မၤဆူၣ်မၤစိးတၢ် ဒီးယဟိဝၤယွၤ လုၢ်ဘၢဝဲ ဟီၣ်ခိၣ်ဒီဘ့ၣ်လၢထံ.

• ၁ စီၤပၤ ၁၁:၁-၁၀—စီၤၡလိၤမိၤ တဒီသဒၢအသးဘၣ်အဃိ အဝဲဟံန့ၢ်အမါဒီး ပှၤထံဂၤကီၢ်ဂၤမုၣ်တဖၣ်. ဒီးအမါတဖၣ်န့ၣ် ထုးယံၤထီၣ်အီၤဒီး ယဟိဝၤယွၤ.

• မၢ် ၇:၁၈-၂၃—ယ့ၣ်ၡူးတဲဝဲလၢ ပတၢ်သူၣ်လီသးကွံလၢ အတဂ့ၤဘၣ်တဖၣ်ခဲလၢာ်န့ၣ် ဟဲထီၣ်လၢပသးပူၤ ဒီးပမၤဘၣ်တၢ်လၢ ယဟိဝၤယွၤ သးဟ့ဝဲတဖၣ်သ့ဝဲ.

တၢ်အဒိအတဲာ်လၢ လံာ်စီဆှံပူၤ–

• အ့း ၆:၁၄-၁၈; ၁ သ့း ၅:၈—လၢလံာ်စီဆှံပူၤန့ၣ် စီၤပီလူး ပာ်ဖျါထီၣ်ဝဲလၢ ဒ်သဃိးဒီသဒၢဝဲ သုးဖိတဂၤအသးအသိး တၢ်တီတၢ်လိၤ, တၢ်နာ် ဒီးတၢ်အဲၣ်န့ၣ် ကဒီသဒၢဝဲ ပသး.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၂၅:၁, ၂, ၁၇-၂၇—စီၤပၤအမၤစယါ မၤတၢ်လၢအဂ့ၤ ဘၣ်ဆၣ် အတမၤတၢ်ဂ့ၤ လၢအသးဒီဖျၢၣ်ဘၣ်. ဒီးလၢခံ အဝဲပာ်ထီၣ်ထီအသး ဒီးတဒိကနၣ် ကစၢ်ယွၤ အကလုၢ်ဘၣ်အဃိ အထံၣ်ဘၣ် တၢ်ကီတၢ်ခဲ.

• မး ၇:၁၇-၂၀—ယ့ၣ်ၡူးတဲဝဲလၢ ဒ်သ့ၣ်လၢအတဂ့ၤ သၣ်ထီၣ်ဝဲ တၤသၣ်လၢ အတဂ့ၤဘၣ်အသိး ပတၢ်ပာ်သူၣ်ပာ်သး မ့ၢ်တဂ့ၤဘၣ်န့ၣ် ပကမၤတၢ်လၢ အတဂ့ၤဘၣ်.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၂၀:၁-၆—ခီဖျိလၢ စီၤပၤဃံးစကံယၤ မၤယဟိဝၤယွၤ အတၢ်မၤလၢ အသးဒီဖျၢၣ်အဃိ ဖဲအဆိးက့ဒီးဘူးထီၣ်လၢ အကသံအခါ အဝဲဃ့ ယဟိဝၤယွၤလၢ ကမၤစၢၤအီၤ.

• မး ၂၁:၂၈-၃၂—ယ့ၣ်ၡူးတဲဝဲ တၢ်ကတိၤဒိဘၣ်ဃးဒီး ပှၤတဂၤ အတၢ်ပာ်သူၣ်ပာ်သး အိၣ်ဒ်လဲၣ်န့ၣ် ပသ့ၣ်ညါဘၣ် ခီဖျိ တၢ်လၢအမၤဝဲ.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၆:၁-၁၃—ဝံၡမူၤအ့လး သ့ၣ်ညါဘၣ်ဝဲလၢ ယဟိဝၤယွၤန့ၣ် အတကွၢ် တၢ်လၢအိၣ်ဖျါလၢခိဘၣ် လၢတၢ်န့ၣ်အလီၢ် အကွၢ်တၢ်အိၣ်လၢပှၤသးပူၤ.

• ၂ ကွဲး ၆:၂၈-၃၁—စီၤၡလိၤမိၤ ဃ့ထုကဖၣ်တၢ် ဖဲတၢ်ပာ်စီဆှံ ယဟိဝၤယွၤ အတၢ်လုၢ်ဟံၣ်အခါန့ၣ် ပာ်ဖျါထီၣ်ဝဲလၢ ကစၢ်ယွၤသ့ၣ်ညါ တၢ်အိၣ်လၢပသးပူၤဂ့ၤဂ့ၤ ဒီးအနၢ်ပၢၢ်စ့ၢ်ကီးပှၤ.