Fo
Ahoana no ahafantarantsika fa matetika no misy heviny an’ohatra ny hoe “fo” ao amin’ny Baiboly ka midika hoe ny maha izy ny olona iray, anisan’izany ny eritreriny, ny zavatra kasainy hatao, ny toetrany, ary ny fihetseham-pony?
Sl 49:3; Oh 16:9; Lk 5:22; As 2:26
-
Ohatra ao amin’ny Baiboly:
-
Lk 9:46-48—Nahitsin’i Jesosy ny apostoliny satria fantany fa naniry ny ho lasa ambony ry zareo tao am-pony tao
-
Nahoana no zava-dehibe ny miaro ny fo?
-
Ohatra ao amin’ny Baiboly:
-
Ge 6:5-7—Lasa feno herisetra ny tany satria ratsy ny tao am-pon’ny olona, ka nahatonga an’Andriamanitra hampisy ny Safodrano eran-tany
-
1Mp 11:1-10—Tsy niaro ny fony i Solomona Mpanjaka, ka nanambady vehivavy hafa firenena be dia be izay nitarika ny fony hiala tamin’i Jehovah
-
Mr 7:18-23—Nohazavain’i Jesosy hoe avy ao am-po ny fanirian-dratsy rehetra ka mahatonga ny olona hanao zavatra tsy tian’Andriamanitra
-
Ahoana no iarovantsika ny fontsika?
Sl 19:14; Oh 3:3-6; Lk 21:34; Fi 4:8
Jereo koa ny Ezr 7:8-10; Sl 119:11
-
Ohatra ao amin’ny Baiboly:
-
Ef 6:14-18; 1Te 5:8—Rehefa niresaka momba an’ilay fiadiana omen’Andriamanitra ny apostoly Paoly, dia nohazavainy hoe afaka miaro ny fontsika ny fanaovana ny marina sy ny finoana ary ny fitiavana, hoatran’ny fiarovan-tratra miaro ny fo ara-bakiteny
-
Ahoana no ahafantarantsika hoe misy olana ny fontsika an’ohatra?
Jereo koa ny Oh 6:12-14
-
Ohatra ao amin’ny Baiboly:
-
2Ta 25:1, 2, 17-27—Nanao izay tsara teo imason’i Jehovah i Amazia Mpanjaka, saingy tsy tamin’ny fony manontolo. Lasa nirehareha sy nivadika izy tatỳ aoriana, ka nizaka ny vokany
-
Mt 7:17-20—Nohazavain’i Jesosy hoe raha ratsy ny fontsika dia hanao zavatra ratsy isika, hoatran’ny hazo ratsy mamoa voa ratsy
-
Nahoana isika no tokony hiezaka hanana fo tsara, ary ahoana no hanaovana an’izany?
Jereo koa ny Sl 119:97, 104; Ro 12:9-16; 1Ti 1:5
-
Ohatra ao amin’ny Baiboly:
-
2Mp 20:1-6—Rehefa narary efa ho faty i Hezekia Mpanjaka, dia nitalaho tamin’i Jehovah mba hamindra fo aminy satria izy nanompo azy tamin’ny fony manontolo
-
Mt 21:28-32—Nilaza fanoharana i Jesosy mba hampisehoana hoe izay ataon’ny olona iray fa tsy izay ampanantenainy hoe hataony no mampiharihary ny tena ao am-pony
-
Nahoana no mampahery ny mahafantatra hoe mandinika ny fontsika i Jehovah?
Jereo koa ny 1Sa 2:3
-
Ohatra ao amin’ny Baiboly:
-
1Sa 16:1-13—Lasa fantatr’i Samoela mpaminany hoe tsy izay miseho ivelany no zava-dehibe amin’i Jehovah fa izay ao am-po
-
2Ta 6:28-31—Nasehon’ny vavaka nataon’i Solomona Mpanjaka tamin’ny fitokanana ny tempoly fa fantatr’i Jehovah tsara ny ao am-pon’ny olona, dia ataony mifanaraka amin’izay ny fomba itondrany azy
-
Mety ho Tianao Koa
NY TILIKAMBO FIAMBENANA—FIANARANA
Mitandrema fa Mamitaka ny Fo
Mety hamitaka antsika ny fontsika, ka hitady fialan-tsiny isika mba hanaovana zavatra ratsy. Ho hitanao ato hoe inona no hanampy antsika hahafantatra izay tena ao am-pontsika.
I JESOSY NO LALANA SY FAHAMARINANA ARY FIAINANA
Niady Izy Ireo hoe Iza no Lehibe
Hadinon’ny apostoly sahady ny zavatra nampianarin’i Jesosy azy ireo tamin’io takariva io.
MANONTANY NY TANORA
Inona no Azoko Atao mba Hiasa Tsara ny Feon’ny Fieritreretako?
Hita amin’ny fomba fiasan’ny feon’ny fieritreretanao hoe olona hoatran’ny ahoana ianao ary inona no zava-dehibe aminao. Diniho àry hoe olona hoatran’ny ahoana ianao.
NY TILIKAMBO FIAMBENANA
Mahalala ny “ao Am-pon’ny Zanak’olombelona” Izy
MOMBA ANAY
Hangataka Hotsidihina
Azo atao ny mandinika fanontaniana ara-baiboly na manontany mombamomba ny Vavolombelon’i Jehovah.
