Moyolo
¿Kenijkatsa Biblia kiijtoua toyolo kiixnextia tlen timoiljuiaj, tijyolmatij uan techyololinia ma tijchiuakaj se tlenijki?
Sl 49:3; Pr 16:9; Lu 5:22; Hch 2:26
Nojkia xikita Dt 15:7; Sl 19:8.
-
Tlapoualistli tlen nojkia tepaleuia:
-
Lu 9:46-48. Jesús kintlalnamiktik itokilijkauaj pampa kiitak ipan ininyolo kinekiyayaj ma kinueyichiuakaj.
-
¿Kenke tlauel moneki tijmokuitlauisej toyolo?
1Cr 28:9; Pr 4:23; Jer 17:9
-
Tlapoualistli tlen nojkia tepaleuia:
-
Gé 6:5-7. Ipan ininyolo maseualmej san kinekiyayaj kichiuasej tlen amo kuali, yeka ipan Tlaltipaktli tlauel onkayaya tlasisinijkayotl uan Dios kichijki tlauel ma uetsi atl.
-
1Re 11:1-10. Tlanauatijketl Salomón amo kimokuitlauik iyolo, yeka mosiuajtik ininuaya siuamej katli euayayaj sejkanok, uan inijuantij kichijkej ma kinueyichiua sekinok dioses.
-
Mr 7:18-23. Jesús kiijtok ipan iyolo se maseuali kisa miak tlamantli, uan Jehová kiijtoua uelis techtlanauis tlen amo kuali.
-
¿Kenijkatsa uelis tijmokuitlauisej toyolo?
Sl 19:14; Pr 3:3-6; Lu 21:34; Flp 4:8
Nojkia xikita Esd 7:8-10; Sl 119:11.
-
Tlapoualistli tlen nojkia tepaleuia:
-
Ef 6:14-18; 1Te 5:8. Apóstol Pablo kiijtok tlaj tijchiuaj tlen xitlauak, kuali titlaneltokaj uan titeikneliaj, techpaleuis kej se teposyolixtsajkayotl. Sanse kej kimokuitlauia iyolo se soldado.
-
¿Kenijkatsa uelis tijmatisej tlaj tijpiaj se tlamantli tlen amo kuali ipan toyolo?
Pr 21:2-4; Heb 3:12
Nojkia xikita Pr 6:12-14.
-
Tlapoualistli tlen nojkia tepaleuia:
-
2Cr 25:1, 2, 17-27. Kema pejki tlanauatia Amasías, kichijki tlen Jehová kinekiyaya pero amo ika nochi iyolo; teipa moueyimatki, kiixpanok Jehová uan yeka kitlatsakuiltik.
-
Mt 7:17-20. Jesús kiijtok se kuauitl tlen amo kuali, amo temaka kuali itlajka. Tlaj toyolo amo kuali eltok, tijchiuasej tlen amo kuali.
-
¿Kenke moneki tijchiuasej kampeka kuali ma elto toyolo, uan tlake techpaleuis kiampa ma tijpiakaj?
Pr 10:8; 15:28; Lu 6:45
Nojkia xikita Sl 119:97, 104; Ro 12:9-11; 12:12, TNM; 12:13-16; 1Ti 1:5.
-
Tlapoualistli tlen nojkia tepaleuia:
-
2Re 20:1-6. Tlanauatijketl Ezequías kitekipanojtoya Jehová ika nochi iyolo, yeka kiiljuik Jehová ma kipaleui kema nechka mikiskia.
-
Mt 21:28-32. Jesús kiijtok ika se neskayotl se tlakatl uelis kinextis kenijkatsa eli iyolo ika tlen kichiua uan amo san ika tlen kiijtoua.
-
¿Kenke techyolchikaua tijmatisej Jehová kitlachilia tlen eltok ipan toyolo?
1Cr 28:9; Jer 17:10
Nojkia xikita 1Sa 2:3.
-
Tlapoualistli tlen nojkia tepaleuia:
-
1Sa 16:1-13. Teokamanalojketl Samuel kiitak Jehová amo moyakana ika tlen kiita; ya kiita tlen tijpiaj ipan toyolo.
-
2Cr 6:28-31. Tlanauatijketl Salomón momaijtok kema tlankej kichijchiuaj nopa teokali, uan kiijtok Jehová kuali kiita tlen tijpiaj ipan toyolo uan techpaleuia.
-
Tlen nojkia mitspaktis tikitas
TLEN TIJCHIUAJ
Xitlajtlani ma mitspaxalokaj
Xijyeko tlake tlamachtia Biblia o kuali xikinixmati Jehová itlajtoltemakauaj.
