Omutima
Otu shi shi ngiini kutya uuna Ombiimbeli tayi popi omutima osha kwatela mo omadhiladhilo getu, omalalakano, omaukwatya nomaiyuvo getu?
Eps 49:3; Omayel 16:9; Luk 5:22; Iil 2:26
Tala wo omanyolo taga landula: Deut 15:7; Eps 19:8
Iiholelwa yopaMbiimbeli mbyoka tayi vulu oku ku kwathela:
Luk 9:46-48 — Jesus okwa li a pukulula aayapostoli ye, molwaashoka okwa li e shi kutya momitima dhawo oya hala okukala ya simana
Omolwashike sha simana okugamena omitima dhetu?
1Ondjal 28:9; Omayel 4:23; Jer 17:9
Iiholelwa yopaMbiimbeli mbyoka tayi vulu oku ku kwathela:
Gen 6:5-7 — Uuwinayi mboka wa li wa udha momitima dhaantu, owe ya ningitha ya longe uukolokoshi, naashoka osha li sha ningitha Kalunga a ete Eyelu kombanda yevi alihe
1Aak 11:1-10 — Omukwaniilwa Salomo ka li a kotokela omutima gwe, shono she mu ningitha a hokane aakulukadhi aakwiilongo mboka ya li ye mu pilamenitha Jehova
Mark 7:18-23 — Jesus okwa li a yelitha kutya omahalo omawinayi agehe, ohaga zi momutima nohaga vulu oku tu ningitha iinima mbyoka Kalunga e tonde
Ongiini tatu vulu okugamena omitima dhetu?
Eps 19:14; Omayel 3:3-6; Luk 21:34; Fil 4:8
Tala wo omanyolo taga landula: Esra 7:8-10; Eps 119:11
Iiholelwa yopaMbiimbeli mbyoka tayi vulu oku ku kwathela:
Ef 6:14-18; 1Tes 5:8 — Omuyapostoli Paulus okwa popi kutya okuzala iikondjitho yopambepo ngaashi uuyuuki, eitaalo nohole otayi vulu okugamena omitima dhetu dhopathaneko, ngaashi owala ehuyanza hali gamene omitima dhetu dho dhenedhene
Ongiini tatu vulu okundhindhilika mo kutya omutima gwetu gwopathaneko ogu na uupyakadhi?
Omayel 21:2-4; Heb 3:12
Tala wo enyolo tali landula: Omayel 6:12-14
Iiholelwa yopaMbiimbeli mbyoka tayi vulu oku ku kwathela:
2Ondjal 25:1, 2, 17-27 — Omukwaniilwa Amazia petameko okwa li a longo shoka sha opalela Kalunga, ihe ine shi ninga nomutima gwe aguhe; mokweendela ko kwethimbo, okwa kwatwa kuuntsa nokwa kala kee shi omudhiginini kuKalunga, shoka she mu etele iilanduliko iiwinayi
Mat 7:17-20 — Jesus okwe shi ulike kutya ngaashi owala omuti omwiinayi hagu imi iiyimati iiwinayi, nomutima omwiinayi ohagu longo iinima iiwinayi
Omolwashike tu na okukokeka uukwatya uuwanawa momitima dhetu, nongiini tatu vulu oku shi ninga?
Omayel 10:8; 15:28; Luk 6:45
Tala wo omanyolo taga landula: Eps 119:97, 104; Rom 12:9-16; 1Tim 1:5
Iiholelwa yopaMbiimbeli mbyoka tayi vulu oku ku kwathela:
2Aak 20:1-6 — Omukwaniilwa Hiskia okwa kala omudhiginini nokwa longela Jehova nomutima gwe aguhe; onkee sho a li ta ehama nokwa li pokusa, okwa indile Jehova a mana mo e mu kwathele
Mat 21:28-32 — Jesus okwa longitha ethaneko, a ulike kutya shoka shi li momutima gwomuntu otashi hololwa kiilonga ye, shi vulithe pwaashoka ta popi
Omolwashike tashi hekeleke okutseya kutya Jehova oha konakona omitima dhetu?
1Ondjal 28:9; Jer 17:10
Tala wo enyolo tali landula: 1Sam 2:3
Iiholelwa yopaMbiimbeli mbyoka tayi vulu oku ku kwathela:
1Sam 16:1-13 — Omuhunganeki Samuel okwi ilongo kutya Jehova iha tala keholokopo lyetu lyokombanda, ihe omomutima
2Ondjal 6:28-31 — Omukwaniilwa Salomo okwa li a galikana peyapulo lyotempeli yaJehova, shoka tashi ulike kutya Kalunga oku shi shoka shi li momitima dhetu nohashi mu inyengitha e tu sile oshimpwiyu
Opu na ishewe uuyelele mbuka
OSHUNGOLANGELO YOKUKONAKONWA
Kotokela omadhiladhilo gomomutima gwoye
Omathimbo gamwe omitima dhetu ohadhi kambadhala dhi tu ningithe tu yukipalithe oonkatu dha puka. Oshike tashi ke tu kwathela tu tseye shoka shi li lela momitima dhetu?
KOMBINGA YETU
Pula ekonakonombiimbeli
Kundathaneneni epulo lyopaMbiimbeli nenge wu ilonge oshindji kombinga yOonzapo dhaJehova.
