Ihliziyo
Sazi njani ukuthi lokha iBhayibheli nalisebenzisa ibizo elithi “ihliziyo” ngokujayelekileko litjho ingaphakathi lomuntu, kuhlanganise imicabango, iinhloso, ubuntu namazizo?
IR 49:3; IzA 16:9; Luk 5:22; IzE 2:26
Isibonelo esiseBhayibhelini esingasisiza:
Luk 9:46-48—UJesu ulungisa abapostoli bakhe njengombana azi ukuthi eenhliziyweni zabo bazibona baqakatheke ngokudluleleko
Kubayini kuqakathekile ukuvikela iinhliziyo zethu?
Iimbonelo eziseBhayibhelini ezingasisiza:
Gen 6:5-7—Ukukhohlakala kwehliziyo yomuntu kwenza umuntu abe nenturhu bekubangela uZimu alethe umThwalela
1Kh 11:1-10—IKosi uSolomoni ibhalelwa kuvikela ihliziywayo, yatjhada abafazi beentjhaba, abaphambukisa ihliziywayo ekulotjheni uJehova
Mar 7:18-23—UJesu wahlathulula ukuthi zoke iimfiso ezimbi zivela ehliziyweni begodu zingasenza senze izinto uZimu azihloyako
Singayivikela njani ihliziywethu?
IR 19:14; IzA 3:3-6; Luk 21:34; Flp 4:8
Funda godu Ezr 7:8-10; IR 119:11
Isibonelo esiseBhayibhelini esingasisiza:
Efe 6:14-18; 1Te 5:8—Umpostoli uPowula nakahlathulula isambatho sepi esingokomfanekiso wathi ukulunga, ukukholwa nethando kungavikela ihliziyo engokomfanekiso njengombana isivikelo sesifuba sivikela ihliziyo yamambala
Singazi njani ukuthi ihliziywethu engokomfanekiso inomraro?
Funda godu IzA 6:12-14
Iimbonelo eziseBhayibhelini ezingasisiza:
2Kr 25:1, 2, 17-27—IKosi u-Amaziya yenza okulungileko emehlweni kaZimu isikhatjhana kodwana beyingakwenzi ngehliziyo yoke, ngokukhamba kwesikhathi yathoma ukuzikhakhazisa, yangamlaleli uJehova begodu yaqalana nemiphumela yalokho
Mat 7:17-20—UJesu utjengisa ukuthi njengombana umuthi omumbi uthela iinthelo ezimbi, nathi nasinehliziyo embi izenzo zethu zizokuba zimbi
Kubayini kufuze silwele ukuba nehliziyo ehle begodu singakwenza njani lokho?
Funda godu IR 119:97, 104; Rom 12:9-16; 1Tm 1:5
Iimbonelo eziseBhayibhelini ezingasisiza:
2Kh 20:1-6—IKosi uHezekiya beyithembekile begodu ilotjha uJehova ngehliziyo yoke, nayigulako nasele izokuhlongakala yancenga uJehova bona ayisize
Mat 21:28-32—UJesu usebenzisa umfanekiso ukutjengisa ukuthi okusehliziyweni yomuntu kubonakala ngalokho akwenzako kunalokho athi uzokwenza
Kubayini kududuza ukwazi ukuthi uJehova ukghona ukubona iinhliziyo zethu?
Funda godu yoku-1Sa 2:3
Iimbonelo eziseBhayibhelini ezingasisiza:
1Sa 16:1-13—Umphorofidi uSamyela uyazwisisa ukuthi uJehova akakhohliswa kuqaleka kwangaphandle, kunalokho ubona okusehliziyweni yomuntu
2Kr 6:28-31—Umthandazo weKosi uSolomoni nakunikelwa ithempeli lakaJehova, watjengisa ukuthi uZimu ukuzwisisa kuhle okuseenhliziyweni zethu begodu usebenzisa ilwazelo ukusitlhogomela
Okhunye Ongakuthabela
ISITHALA (ESIFUNDWA EBANDLENI)
Yelela IinHloso ZeHliziyo
Ngezinye iinkhathi ihliziyo yethu ilinga ukuthethelela ikambo engakalungi. Khuyini engasisiza sazi okusehliziyweni yethu mbala?
UJESU—UYINDLELA NEQINISO NOKUPHILA
Baphikisana Ngokuthi Ngubani Omkhulu Kibo
Abapostoli sele basikhohliwe isifundo uJesu abafundise sona ebusukwinobo.
UKWAZI NGATHI
Bawa Isifundo SeBhayibheli
Fundelwa iBhayibheli endaweni nangesikhathi esivumelana nawe.
