دل
کیویں پتہ چلدا اے کہ بائبل چ لفظ ”دل“ دا اشارہ اندر دے انسان یعنی ساڈی سوچ، خیال، جذبے، نیت تے خوبیاں وَل ہوندا اے؟
زبور 49:3؛ اَمثال 16:9؛ لُوقا 5:22؛ اعمال 2:26
اِستثنا 15:7؛ زبور 19:8 نُوں وی ویکھو۔
-
پاک کلام چوں مثال:
-
لُوقا 9:46-48—یسوع نُوں پتہ سی کہ اوہدے شاگرداں دے دل چ اِک دُوجے توں وڈا بنن دی چاہ اے۔ ایس لئی اوہنے اوہناں دی درستی کیتی۔
-
ایہہ کیوں ضروری اے کہ اَسی اپنے دل دی حفاظت کرئیے؟
1-تواریخ 28:9؛ اَمثال 4:23؛ یرمیاہ 17:9
-
پاک کلام چوں کجھ مثالاں:
-
پیدائش 6:5-7—نوح دے زمانے چ لوکاں دے دل چ بھیڑے خیال آندے سن جدی وجہ توں اوہ بڑے ظالم سن تے مار کُٹائی کردے سن۔ ایسے لئی خدا نے اوہناں نُوں طوفان نال مار دِتا۔
-
1-سلاطین 11:1-10—بادشاہ سلیمان نے اپنے دل دی حفاظت نئیں کیتی۔ اوہنے دُوجی قوم دِیاں عورتاں نال شادی کیتی جنہاں نے اوہدے دل چوں یہوواہ لئی محبت نُوں ختم کر دِتا۔
-
مرقس 7:18-23—یسوع نے کہیا کہ ہر بھیڑا خیال دل چوں نکلدا اے جیہڑا سانوں یہوواہ دِیاں نظراں چ ناپاک بنا سکدا اے۔
-
اَسی اپنے دل دی حفاظت کیویں کر سکنے آں؟
زبور 19:14؛ اَمثال 3:3-6؛ لُوقا 21:34؛ فِلپّیوں 4:8
عزرا 7:8-10؛ زبور 119:11 نُوں وی ویکھو۔
-
پاک کلام چوں مثال:
-
اِفسیوں 6:14-18؛ 1-تھسلُنیکیوں 5:8—پولُس رسول نے خدا وَلّوں مِلن والے ہتھیار تے چیزاں بارے دَسدے ہوئیاں کہیا کہ نیکی، ایمان تے محبت ورگیاں خوبیاں ساڈے دل دی بالکل اُنج ای حفاظت کردیاں نیں جیویں سینہبند اِک بندے دے دل دی حفاظت کردا اے۔
-
کیویں پتہ چلے گا کہ ساڈے دل نال کوئی مسئلہ اے؟
اَمثال 21:2-4؛ عبرانیوں 3:12
اَمثال 6:12-14 نُوں وی ویکھو۔
-
پاک کلام چوں کجھ مثالاں:
-
2-تواریخ 25:1، 2، 17-27—بادشاہ امصیاہ خدا دی مرضی مطابق چلیا پر زیادہ لمے عرصے تک نئیں کیونکہ اوہدا دل پوری طرحاں یہوواہ وَل نئیں سی۔ ہولی ہولی اوہدے دل چ غرور آ گیا تے اوہنے یہوواہ دی نافرمانی کیتی جدا اوہنوں نتیجہ وی بھگتنا پیا۔
-
متی 7:17-20—یسوع نے دَسیا کہ جیویں خراب درخت خراب پھل دیندا اے اوسے طرحاں جے اِک بندے دا دل بھیڑا اے تے اوہدے کم وی بھیڑے ای ہوندے نیں۔
-
ساڈا دل چنگا کیوں ہونا چاہی دا اے تے اَسی اپنے اندر چنگا دل کیویں پیدا کر سکنے آں؟
اَمثال 10:8؛ 15:28؛ لُوقا 6:45
زبور 119:97، 104؛ رومیوں 12:9-16؛ 1-تیمُتھیُس 1:5 نُوں وی ویکھو۔
-
پاک کلام چوں کجھ مثالاں:
-
2-سلاطین 20:1-6—بادشاہ حِزقیاہ نے دِلوں یہوواہ دی خدمت کیتی سی۔ ایس لئی جدوں اوہ ایناں بیمار سی کہ مرن والا سی تے اوہنے مدد لئی یہوواہ کولوں دُعا کیتی۔
-
متی 21:28-32—یسوع نے اِک مثال دے ذریعے سمجھایا کہ اِک بندے دِیاں گلاں توں نئیں سگوں اوہدے کماں توں پتہ چلدا اے کہ اوہدا دل کیہو جیہا اے۔
-
سانوں ایس گلوں تسلی کیوں مِلدی اے کہ یہوواہ ساڈے دِلاں نُوں جان دا اے؟
1-تواریخ 28:9؛ یرمیاہ 17:10
1-سموئیل 2:3 نُوں وی ویکھو۔
-
پاک کلام چوں کجھ مثالاں:
-
1-سموئیل 16:1-13—سموئیل نبی نے سکھیا کہ یہوواہ اِک انسان دی شکلصورت نُوں نئیں ویکھدا سگوں اوہدے دل نُوں ویکھدا اے۔
-
2-تواریخ 6:28-31—بادشاہ سلیمان نے یہوواہ دی ہیکل نُوں مخصوص کردے ویلے جیہڑی دُعا کیتی سی اوہدے توں پتہ چلدا اے کہ یہوواہ ساڈے جذبات سمجھدا اے تے ساڈی فکر کردا اے۔
-
ایہہ وی ویکھو
ساڈے بارے معلومات
یہوواہ دے گواہواں نُوں مِلن لئی درخاست گھلو
بائبل چوں کسے سوال تے گلبات کرو یاں فیر یہوواہ دے گواہواں بارے ہور جانو۔
