Fo
Akory ty ahaizantsika fa lafa miresaky fo ty Baiboly le ty tena maha izy antsika matetiky ro teany hovolany, anatini-zay ty eritseritsy, ty raha tea hatao, ty toetsy, noho ty fihetseham-po?
Sl 49:3; Oh 16:9; Lk 5:22; As 2:26
Henteo koa De 15:7; Sl 19:8
-
Tantara amy Baiboly ao:
-
Lk 9:46-48—Nanarin’i Jesosy apostoliny rey satria hainy ty raha anaty fon-drozy ao le hitany fa naniry pilasy ambony rozy
-
Manino tsika ro tena mila miaro ty fontsika?
1Ta 28:9; Oh 4:23; Je 17:9
-
Tantara amy Baiboly ao
-
Ge 6:5-7—Lasa nisatà ty olo tamy andron’i Noa satria nifeno raha raty tam-pon-drozy ao. Farany naripaki-Ndranahary tamy Safodrano rozy
-
1Mp 11:1-10—Tsy niaro ty fony Solomona Mpanjaka, ka nanambaly ampela hafa firenena. Lasa voatariky hiala tamy Jehovah ty fony
-
Mr 7:18-23—Nivola Jesosy fa baka am-po ao ty iavian’ny eritseri-draty iaby ka mety hanao raha tsy tea-Ndranahary tsika
-
Akory ty hiarovantsika ty fontsika?
Sl 19:14; Oh 3:3-6; Lk 21:34; Fi 4:8
Henteo koa Ezr 7:8-10; Sl 119:11
-
Tantara amy Baiboly ao:
-
Ef 6:14-18; 1Te 5:8—Nivola apostoly Paoly fa ty fahamarina, ty finoa, noho ty fitiava le afaky miaro ty fontsika an’ohatsy, manahaky fiarovan-tratra miaro ty fo ara-bakiteny io
-
Akory ty ahaizantsika fa misy problemo ty fontsika an’ohatsy?
Oh 21:2-4; He 3:12
Henteo koa Oh 6:12-14
-
Tantara amy Baiboly ao:
-
2Ta 25:1, 2, 17-27—Nanao raha soa tamason’i Jehovah eo Amazia Mpanjaka, fe tsy tamy fony iaby ty nanaovany an’ny raha zay. Lasa nirengirengy ie lafa nandeha ty fotoa sady tsy nankatò an’i Jehovah. Farany nijalijaly ie
-
Mt 7:17-20—Nivola Jesosy fa mamoa voa raty ty hazo raty, le manahaky ani-zay koa fa hanao raha raty tsika laha raty ty fontsika
-
Manino tsika ro tokony hiezaky hana fo soa, le akory ty hanaovantsika ani-zay?
Oh 10:8; 15:28; Lk 6:45
Henteo koa Sl 119:97, 104; Ro 12:9-16; 1Ti 1:5
-
Tantara amy Baiboly ao:
-
2Mp 20:1-6—Tsy nivaliky tamy Jehovah Hezekia Mpanjaka sady nanompo azy tamy fo iaby. Ka lafa ie amy zay narary noho fa ho nimaty, le nisoloho tamy Jehovah ie mba hanampy azy
-
Mt 21:28-32—Nanao fanohara Jesosy mba hampisehoa fa mianky amy ty raha ataon’olo raiky ro ahità hoe mana fo soa ie, fa tsy amy raha volaniny hoe hataony
-
Manino ro mampahery antsika ty mahay hoe mandiniky ty fontsika Jehovah?
1Ta 28:9; Je 17:10
Henteo koa 1Sa 2:3
-
Tantara amy Baiboly ao:
-
1Sa 16:1-13—Lasa nihain’i Samoela mpaminany fa tsy mifantoky amy ty tarehintsika Jehovah. Ty raha am-pontsika ao ro ifantohany
-
2Ta 6:28-31—Hita tamy vavaky nataon’i Solomona Mpanjaka tamy fitokana tempolin’i Jehovah iny fa hain’i Jehovah soa ty raha am-pontsika ao. Bakeo ampiasany raha zay mba hikarakarà antsika
-
Mety ho Teanao Koa
MIKASIKY ANAY
Mangataky Hotsidihy
Hiresaky fanontanea ara-Baiboly, na hianatsy marerè mikasiky ty Vavolombeloni-Jehovah.
