Ishima
Er nena se fe ser shighe u Bibilo i ter ishember i “ishima” la yô, ka or u se lu ken atô la kua mbamhen man mbaawashima asev man aeren a ase kua er i lu se ken ishima la ka i ôrono?
Ps 49:3; Anz 16:9; Lu 5:22; Aer 2:26
Shi nenge Dut 15:7; Ps 19:8
-
Akav agen ken Bibilo a aa fatyô u wasen we yô:
-
Lu 9:46-48—Yesu yange kôôm mbaapostoli nav sha ci u fa er ken atô u ishima ve je, ve nengen ér ve hemba mbagen yô
-
Er nena i gbe hange hange u se kura ishima yase?
1Kr 28:9; Anz 4:23; Yer 17:9
-
Akav agen ken Bibilo a aa fatyô u wasen we yô:
-
Ge 6:5-7—Ifer i i lu or ken ishima la yange i na ior wa tswam kpishi, nahan kwagh la na Aôndo va a Mngerem ma Deemee sha tar, tim u kera
-
1Ut 11:1-10—Tor Solomon yange kura ishima na ga, a za vôsô kasev ken atôatyev, nahan kasev mban va na un de u civir Yehova sha mimi
-
Mr 7:18-23—Yesu yange pase ér asaren a bo cii ka ken ishima ka a hii ye shi ka a fatyô u mgbeghan se u eren akaa a Aôndo a ker a ihyom yô
-
Se kura ishima yase nena?
Ps 19:14; Anz 3:3-6; Lu 21:34; Fil 4:8
Shi nenge Ese 7:8-10; Ps 119:11
-
Akav agen ken Bibilo a aa fatyô u wasen we yô:
-
Ef 6:14-18; 1Te 5:8—Apostoli Paulu yange ngur pasen kwagh u ikyav mbi utyaav mbi ken jijingi yô, a kaa ér perapera man jighjigh man dooshima vea fatyô u kuran ishima yase i sha injakwagh la, vough er perutya u vesen ka u kura ishima i orsoja nahan
-
Se er nena ve se fa aluer ishima yase i sha injakwagh la ngi a zayol?
Anz 21:2-4; Heb 3:12
Shi nenge Anz 6:12-14
-
Akav agen ken Bibilo a aa fatyô u wasen we yô:
-
2Kr 25:1, 2, 17-27—Sha shighe ugen la, Tor Amashia er kwagh u vough sha ishigh ki Yehova, kpa lu a ishima na i môm ga, nahan shighe karen yô, a hii u kenden a iyol sha shi hemba Yehova ato, nahan ya ican kpishi
-
Mt 7:17-20—Yesu yange tese ér er kon u bo u umen atam a bo nahan, kape ka sea lu a ishima i bo ve aeren ase kpa a doo ga je la
-
Er nena ve i gba u se lu a ishima i dedoo, man se er kwagh ne nena?
Anz 10:8; 15:28; Lu 6:45
Shi nenge Ps 119:97, 104; Ro 12:9-16; 1Ti 1:5
-
Akav agen ken Bibilo a aa fatyô u wasen we yô:
-
2Ut 20:1-6—Tor Hesekia yange lu or u jighjigh shi civir Yehova sha mimi a ishima na cii, nahan shighe u gba angev shi fa ér gba u una kpe yô, a zamber Yehova ér a zungwe un mhôônom, a wase un
-
Mt 21:28-32—Yesu yange ôr injakwagh i tesen ér ieren i or kua iliam i nan cii ka i tese er ishima i nan i lu ker yô
-
Er se fe ser Yehova nengen kwagh u a lu se ken ishima yô, ka kwagh u kundun se iyol sha ci u nyi?
1Kr 28:9; Yer 17:10
Shi nenge 1Sa 2:3
-
Akav agen ken Bibilo a aa fatyô u wasen we yô:
-
1Sa 16:1-13—Profeti Samuel yange fa er Yehova a veren ishima sha mlu u or u sha iyol la ga, kpa kwagh a hembe gban un sha mlu u ishima i or yô
-
2Kr 6:28-31—Msen u Tor Solomon yange er sha shighe u tseghan tempel la, tese ér Yehova ka a fa mlu u ishima yase vindi vindi, nahan a er tom a mfe la u nengen sha a vese
-
Kwagh Ugen u Alaghga Shi Una Doo U Yô
IYOUKURA (I HENEN)
Wa Ikyo sha Kwagh u Mbaawashima Ou
Ashghe agen ka sea eren kwagh u shami ga je kpa ishima yase i nôngo u kaa a vese ér ka kwagh u sha mi. Ka nyi ia wase se u fan kwagh u a lu ken ishima jim laa?
IYOUKURA
A Fa “Asema a Ônov mba Iorov”
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
