Talanoa Fakatohitapu mahuʻinga:

• Luke 9:​46-48—ʻOku fakatonutonu ʻe Sīsū ʻene kau ʻapositoló koeʻuhi ko e laumālie sio tuʻunga ʻokú ne sio ki ai ʻi honau lotó

Talanoa Fakatohitapu mahuʻinga:

• Sēn. 6:​5-7—Ko e fulikivanu ʻi he loto ʻo e tangatá ʻoku taki atu ki he fakamālohi pea fakatupunga ʻa e ʻOtuá ke ne ʻomai ha Lōmaki ki he māmaní kotoa

• 1 Tuʻi 11:​1-10—Ko Tuʻi Solomone ʻoku ʻikai ke ne maluʻi hono lotó, ʻo ne mali ai mo ha kau fefine muli ʻa ia ʻoku nau ofeʻi hono lotó meia Sihova

• Mk. 7:​18-23—ʻOku fakamatalaʻi ʻe Sīsū ko e lotó ko e matavai ia ʻo e meʻa kotoa pē ʻoku lava ke ne ʻuliʻi ha tangata ʻi he vakai ʻa e ʻOtuá

Talanoa Fakatohitapu mahuʻinga:

• ʻEf. 6:​14-18; 1 Tes. 5:8—ʻI hono fakamatalaʻi ʻa e teunga tau fakalaumālié, ʻoku pehē ʻe he ʻapositolo ko Paulá ko e māʻoniʻoní, tuí mo e ʻofá ʻe lava ke nau maluʻi ʻa e lotó ʻo hangē pē ko hono maluʻi ʻe he sifa-fatafatá ʻa e foʻi mafú

Talanoa Fakatohitapu mahuʻinga:

• 2 Kal. 25:​1, 2, 17-27—ʻI ha taimi, naʻe fai ʻe Tuʻi ʻAmasaia ʻa e meʻa ʻoku totonu ʻi he vakai ʻa e ʻOtuá ka naʻe ʻikai ke ne fai ia ʻaki ha loto kakato; ʻi he faai atu ʻa e taimí, ʻokú ne hoko ʻo hīkisia mo taʻefaitōnunga peá ne fua hono ngaahi nunuʻá

• Māt. 7:​17-20—ʻOku fakahaaʻi ʻe Sīsū hangē pe ko ha fuʻu ʻakau ʻoku tupu mei ai ʻa e fua kovi, ko ha loto ʻoku kovi ʻoku tupu mei ai ʻa e ʻulungaanga kovi

Talanoa Fakatohitapu mahuʻinga:

• 2 Tuʻi 20:​1-6—ʻI he fehangahangai ʻa Tuʻi Hesekaia mo e maté, ʻokú ne kole kia Sihova ki ha meesi ʻo makatuʻunga ʻi heʻene tauhi kiate Ia ʻaki ha loto kakato

• Māt 21:​28-32—ʻOku ngāueʻaki ʻe Sīsū ha talanoa fakatātā ke fakahaaʻi ko e tuʻunga ʻo e loto ʻo ha tangata ʻoku fakaeʻa mai ʻi he meʻa ʻokú ne faí, ʻo laka ange ia ʻi he meʻa ʻokú ne pehē te ne faí

Talanoa Fakatohitapu mahuʻinga:

• 1 Sām. 16:​1-13—ʻOku ako ʻe he palōfita ko Sāmiuelá ko Sihova ʻoku ʻikai ke tākiekina ia ʻe he fōtunga hā maí; ʻi hono kehé, ʻoku Ne sio ki he loto ʻo ha taha

• 2 Kal. 6:​28-31—Ko e lotu ʻa Tuʻi Solomone ʻi hono fakatapui ʻa e temipale ʻo Sihová ʻoku fakahaaʻi ai ko e ʻOtuá ʻokú ne ʻafioʻi kakato ʻa e loto ʻo e tangatá peá ne fakafeangai kiate kinautolu ʻi he faimeesi