Moyo
Ino tuzyi buti kuti ciindi Bbaibbele nolibelesya bbala lyakuti “moyo” kanji-kanji inga lyaamba mizeezo yesu, makanze, bube alimwi ambotulimvwa?
Int. 49:3; Tus. 16:9; Lk. 5:22; Mil. 2:26
-
Zibalo zyamu Bbaibbele zigwasya:
-
Lk. 9:46-48—Jesu wakabalulamika baapostolo bakwe akaambo kamuuya wakuyanda kuba aampuwo iwakali mumyoyo yabo
-
Nkaambo nzi ncociyandika kapati kukwabilila moyo wesu?
1Mak. 28:9; Tus. 4:23; Jer. 17:9
-
Zibalo zyamu Bbaibbele zigwasya:
-
Matl. 6:5-7—Bubi mumyoyo yabantu bwakasololela kumicito yalunya calo icakapa kuti Leza alete Zambangulwe munyika yoonse
-
1Bam. 11:1-10—Mwami Solomoni wakaalilwa kukwabilila moyo wakwe, akukwata bamakaintu beenzu ibakoongelezya moyo wakwe kuzwa kuli Jehova
-
Mk. 7:18-23—Jesu wakaamba kuti kulombozya kubyaabi koonse kuzwa mumoyo alimwi kulakonzya kupa kuti tucite zintu zitamukkomanisyi Leza
-
Mbuti mbotukonzya kukwabilila moyo wesu?
Int. 19:14; Tus. 3:3-6; Lk. 21:34; Flp. 4:8
Amubone a Ezr. 7:8-10; Int. 119:11
-
Zibalo zyamu Bbaibbele zigwasya:
-
Ef. 6:14-18; 1Tes. 5:8—Naakali kwaamba zilwanyo zyakumuuya, mwaapostolo Paulo wakapandulula kuti bululami, lusyomo, alimwi aluyando zilakonzya kukwabilila moyo wacikozyanyo mbubonya mbuli cilikwabilizyo cakucamba mbocikwabilila moyo wini
-
Ino inga twazyiba buti kuti moyo wesu wacikozyanyo ujisi penzi?
Amubone a Tus. 6:12-14
-
Zibalo zyamu Bbaibbele zigwasya:
-
2Mak. 25:1, 2, 17-27—Kwaciindi cili mbocibede, Mwami Amaziya wakali kucita zintu ziluzi mumeso aa Leza, pele tanaakali kumuyanda Jehova kuzwa ansi aamoyo aboobo wakatalika kulisumpula akutamvwida eelyo wakasubulwa
-
Mt. 7:17-20—Jesu wakaamba kuti mbubonya cisamu cibi mbocizyala micelo mibi, awalo moyo mubi upa muntu kucita zintu zibi
-
Nkaambo nzi ncotweelede kuba amoyo uuli kabotu, alimwi inga twacita buti oobo?
Amubone a Int. 119:97, 104; Rom. 12:9-16; 1Tim. 1:5
-
Zibalo zyamu Bbaibbele zigwasya:
-
2Bam. 20:1-6—Mwami Hezekiya wakali kusyomeka alimwi wakali kubelekela Jehova camoyo woonse, aboobo ciindi naakaciswa calufwu, wakalomba Jehova kuti amugwasye
-
Mt. 21:28-32—Jesu wakabelesya cikozyanyo kutondezya kuti izili mumoyo wamuntu zilalibonya kapati muzintu nzyacita, kutali zeezyo zyaamba kuti ulacita
-
Nkaambo nzi ncocuumbulizya kuzyiba kuti Jehova ulazibona zili mumyoyo yesu?
Amubone a 1Sam. 2:3
-
Zibalo zyamu Bbaibbele zigwasya:
-
1Sam. 16:1-13—Musinsimi Samuele wakaiya kuti Jehova tabikkili maano mbotulibonya; pele ubikkila maano zili mumoyo wamuntu
-
2Mak. 6:28-31—Mupailo ngwaakapaila Mwami Solomoni ciindi naakali kwaaba tempele lya Jehova, wakatondezya kuti Leza ulabona zili mumoyo wesu alimwi ubelesya luzyibo oolo kutulanganya
-
Andiza Inga Mwaakkomanina Ayaaya
NGAZI YAMULINDIZI—YAKWIIYA
Amwaacenjelele Makanze aa Moyo
JESU—NENZILA, NGOKASIMPE, MBOBUUMI
Baapostolo Bakazyanya Kujatikizya Mupati Kwiinda Boonse
Baapostolo baciluba kale ciiyo ncaabayiisya Jesu musyule mangolezya ngoonya aayo.
BAKUBUSI BALABUZYA
Ino Inga Ndaayiisya Buti Manjezyeezya Aangu?
Manjezyeezya aanu alayubununa bwini mbomubede alimwi azintu nzyomukkomanina. Ino manjezyeezya aanu aamba nzi kujatikizya ndinywe?
KUJATIKIZYA NDISWE
Amulombe Kuswaigwa
Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.
