Mbilu
Hi swi tiva njhani leswaku loko Bibele yi tirhisa rito leri nge mbilu hakanyingi yi vula munhu wa hina loyi a nga endzeni leswi katsaka miehleketo, swikongomelo, vumunhu ni mintlhaveko?
Ps 49:3; Swiv 16:9; Lk 5:22; Mi 2:26
-
Swikombiso swa le Bibeleni leswi nga hi pfunaka:
-
Lk 9:46-48—Yesu u lulamise vaapostola vakwe hikwalaho ka ku navela ko biha loku a ku voneke etimbilwini ta vona
-
Hikwalahokayini swi ri swa nkoka ku sirhelela mbilu ya hina?
-
Swikombiso swa le Bibeleni leswi nga hi pfunaka:
-
Gn 6:5-7—Vubihi lebyi a byi ri embilwini ya munhu byi endle leswaku a va ni madzolonga, leswi endleke leswaku Xikwembu xi tisa Ndhambi emisaveni hinkwayo
-
1Th 11:1-10 —Hosi Solomoni u tsandzeke ku sirhelela mbilu yakwe, u teke vavasati vamatiko lava endleke leswaku a nga ha n’wi gandzeli Yehovha
-
Mr 7:18-23—Yesu u vule leswaku mbilu i nchumu lowu nga endlaka leswaku munhu a va la nga tengangiki emahlweni ka Yehovha
-
Hi nga yi sirhelela njhani mbilu ya hina?
Ps 19:14; Swiv 3:3-6; Lk 21:34; Flp 4:8
Nakambe vona Ezr 7:8-10; Ps 119:11
-
Swikombiso swa le Bibeleni leswi nga hi pfunaka:
-
Ef 6:14-18; 1Te 5:8—Loko a hlamusela swiambalo swa nyimpi, muapostola Pawulo u vule leswaku ku lulama, ripfumelo ni rirhandzu swi nga sirhelela mbilu yo fanekisela hilaha xisirhelelo xa xifuva xi nga sirhelelaka mbilu ya xiviri ha yona
-
Hi nga swi tiva njhani loko mbilu ya hina yo fanekisela yi ri ni xiphiqo?
Nakambe vona Swiv 6:12-14
-
Swikombiso swa le Bibeleni leswi nga hi pfunaka:
-
2Tk 25:1, 2, 17-27—Ku ringana nkarhi wo karhi, Hosi Amaziya u endle leswinene emahlweni ka Yehovha kambe a nga swi endli hi mbilu hinkwayo; hi ku famba ka nkarhi, u tiomise nhloko a nga ha tshembeki kutani u langutane ni switandzhaku
-
Mt 7:17-20—Yesu u vule leswaku ku fana na leswi murhi lowu nga riki wunene wu humesaka mihandzu leyi nga riki yinene, ni mbilu leyi nga riki yinene yi nga hi susumetela ku endla leswi nga riki swinene
-
Hikwalahokayini hi fanele hi tikarhatela ku va ni mbilu leyinene naswona hi nga swi endla njhani sweswo?
Nakambe vona Ps 119:97, 104; Rhm 12:9-16; 1Tm 1:5
-
Swikombiso swa le Bibeleni leswi nga hi pfunaka:
-
2Th 20:1-6—Loko a langutane ni rifu, Hosi Hezekiya u kombele Yehovha leswaku a n’wi komba tintswalo hikwalaho ka leswi a N’wi tirheleke hi mbilu hinkwayo
-
Mt 21:28-32—Yesu u tirhise xifaniso ku kombisa leswaku xiyimo xa mbilu ya munhu xi paluxiwa hileswi a swi endlaka, ku nga ri leswi a vulaka leswaku u ta swi endla
-
Hikwalahokayini swi chavelela ku tiva leswaku Yehovha wa swi vona leswi nga embilwini ya hina?
Nakambe vona 1Sa 2:3
-
Swikombiso swa le Bibeleni leswi nga hi pfunaka:
-
1Sa 16:1-13—Muprofeta Samuwele u dyondze leswaku Yehovha a nga tsakisiwi hi ku languteka ka munhu, ku ri na sweswo; u vona leswi nga embilwini ya munhu
-
2Tk 6:28-31—Xikhongelo xa Hosi Solomoni loko ku nyiketeriwa tempele ya Yehovha xi kombise leswaku Xikwembu xi swi twisisa kahle leswi nga etimbilwini ta hina naswona xi tirhisa vutivi byebyo ku hi khathalela
-
U Nga Ha Tsakela
XIHONDZO XO RINDZA (NKANDZIYISO WA VANDLHA)
Tivonele Eka Makungu Ya Mbilu
Minkarhi yin’wana mbilu ya hina yi ringeta ku tiyimelela loko hi lava ku endla leswi hoxeke. I yini lexi nga hi pfunaka ku tiva leswi nga embilwini ya hina hakunene?
VANTSHWA VA VUTISA
Ndzi Nga Ri Letela Njhani Ripfalo Ra Mina?
Ripfalo ra wena ri kombisa leswi u nga swona. Ripfalo ra wena ri vula yini hi wena?
XIHONDZO XO RINDZA
Xi Tiva “Mbilu Ya Vana Va Vanhu”
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
