Xikombiso xa le Bibeleni lexi nga ku pfunaka:

• Luk 9:46-48 — Yesu a laye vapostolo va yena nkama a nga tsumbula swaku mbilu ya vona se a yi sungula ku navela ku voniwa na va li va lisima hintamu

Swikombiso swa le Bibeleni leswi nga ku pfunaka:

• Gen 6:5-7 — Leswi vanhu lani misaveni a vo pimisa ntsena hi ku yendla swilo swa ku biha, ku sungule ku va ni wubihi hintamu lani misaveni, leswo swi yendle swaku Yehovha a tisa Ndhambi amisaveni hinkwayu

• 1Tih 11:1-10 — Hosi Solomoni a nga yi vhikelanga mbilu ya yena, a ye a ya chada ni vavasati va matiko man’wani, lava va nga gama va mu tshikisa ku tirhela Yehovha

• Mar 7:18-23 — Yesu a tlhamusele swaku swilo hinkwaswu leswi nga yendlaka swaku munhu a va a nga basanga ka matihlo ya Xikwembu swi sukela mbilwini

Xikombiso xa le Bibeleni lexi nga ku pfunaka:

• Efe 6:14-18; 1Tes 5:8 — Nkama mupostolo Pawulo a nga vulavula hi mpahla ya nyimpi a vule swaku a wululami, lipfumelo ni lirhandzu hi swona swi nga vhikelaka mbilu ya hina ya ku fanekisela ku fana ni leswi xivhikelo xa xifuva xi kotaka ku vhikela mbilu ya hina ya hikakunene

Swikombiso swa le Bibeleni leswi nga ku pfunaka:

• 2Tik 25:1, 2, 17-27 — Ku ve ni nkama lowu Hosi Amaziya a a yendla swilo swaswinene ka Xikwembu kambe a a nga swi yendli hi mbilu hinkwayu, se hi ku famba ka nkama a sungule ku tibyela a tlhela a nga ha tshembeki, leswo swi yendle swaku a yendlekeliwa hi swilo swa ku biha

• Mat 7:17-20 — Yesu a kombise swaku ku fana ni leswi nsinya wa ku kala wu nga li wunene wu psalaka mihandzu ya ku kala yi nga li yinene, na yona mbilu ya ku kala yi nga li yinene yi yendla swaku munhu a yendla swilo swa ku biha

Swikombiso swa le Bibeleni leswi nga ku pfunaka:

• 2Tih 20:1-6 — Leswi Hosi Hezekiya a nga tirhela Yehovha hi mbilu hinkwayu, nkama a nga vabya hintamu a za a lava ni ku fa, a kombele Yehovha swaku a mu pfuna

• Mat 21:28-32 — Ka xikombiso lexi, Yesu a kombise swaku leswi munhu a nga xiswona hikakunene ambilwini a swi tikombi hi leswi a vulaka swaku a ta swi yendla kambe swi tikomba hi leswi a swi yendlaka

Swikombiso swa le Bibeleni leswi nga ku pfunaka:

• 1Sa 16:1-13 — Muprofeta Samuwele a djondze swaku Yehovha a nga kanganyisiwi hi leswi munhu a tikombaka a li xiswona hi le handle kambe a vona mbilu

• 2Tik 6:28-31 — Xikhongelo lexi Hosi Solomoni a nga xi yendla nkama ku nga nyiketeliwa tempele xi kombise swaku Yehovha a swi tiva kahle leswi mbilu ya mun’wani ni mun’wani yi nga xiswona naswona a hlayisa mun’wani ni mun’wani hi ku ya hi leswi a nga xiswona