Kasingkasing
Paonan-o iginpapakita han Biblia nga an simboliko nga kasingkasing amo an sulod nga pagkatawo nga nag-uupod han mga panhunahuna, intensyon, kalidad, ngan emosyon?
Sal 49:3; Pr 16:9; Lu 5:22; Bu 2:26
Kitaa liwat an De 15:7; Sal 19:8
-
Konektado nga asoy ha Biblia:
-
Lu 9:46-48—Ginsaway ni Jesus an iya mga apostol tungod han pagin ambisyoso nga nakita niya ha ira kasingkasing
-
Kay ano nga importante nga panalipdan ta an aton kasingkasing?
-
Konektado nga asoy ha Biblia:
-
Ge 6:5-7—An karaotan ha kasingkasing han tawo nagresulta hin kamadarahog ngan nagpagios ito ha Dios nga magpahinabo hin Baha ha bug-os nga kalibotan
-
1Ha 11:1-10—Napakyas hi Hadi Solomon nga panalipdan an iya kasingkasing, nag-asawa hiya hin dayo nga mga babaye nga nagpahirayo han iya kasingkasing kan Jehova
-
Mar 7:18-23—Iginsaysay ni Jesus nga an kasingkasing an gintitikangan han ngatanan nga sayop nga hingyap ngan nakakapagios ha aton nga buhaton an mga butang nga ginkakangalasan han Dios
-
Paonan-o naton mapapanalipdan an aton kasingkasing?
Sal 19:14; Pr 3:3-6; Lu 21:34; Fil 4:8
Kitaa liwat an Ezr 7:8-10; Sal 119:11
-
Konektado nga asoy ha Biblia:
-
Efe 6:14-18; 1Te 5:8—Ha paghulagway han espirituwal nga mga gamit nga pan-girra, iginsaysay ni apostol Pablo nga an katadongan, pagtoo, ngan gugma makakapanalipod ha simboliko nga kasingkasing sugad la nga an kutamaya nagpapanalipod ha literal nga kasingkasing
-
Paonan-o naton masasabtan nga may problema an aton simboliko nga kasingkasing?
Kitaa liwat an Pr 6:12-14
-
Konektado nga asoy ha Biblia:
-
2Cr 25:1, 2, 17-27—Ha pipira ka panahon, ginbuhat ni Hadi Amazias an nakakapalipay ha Dios pero diri bug-os an iya kasingkasing; umabot an panahon, nagin arogante hiya ngan diri matinumanon salit nag-antos hiya tungod hito
-
Mat 7:17-20—Iginpakita ni Jesus nga sugad la nga an dunot nga kahoy magbubunga hin dunot, an maraot nga kasingkasing magriresulta hin magraot nga buhat
-
Kay ano nga dapat kita magkultibar hin maopay nga kasingkasing, ngan paonan-o naton ito mahihimo?
Kitaa liwat an Sal 119:97, 104; Ro 12:9-16; 1Ti 1:5
-
Konektado nga asoy ha Biblia:
-
2Ha 20:1-6—Han tikamatay na hiya, nag-ampo hi Hadi Hezekias nga kaloy-an hiya ni Jehova tungod kay nag-alagad hiya ha Iya nga may bug-os nga kasingkasing
-
Mat 21:28-32—Gumamit hi Jesus hin ilustrasyon basi ipakita nga an kondisyon han kasingkasing han tawo nasasabtan pinaagi han iya ginbubuhat, diri la han iya ginsisiring nga iya bubuhaton
-
Kay ano nga nakakaliaw hibaroan nga nakikita ni Jehova an sulod han aton kasingkasing?
Kitaa liwat an 1Sa 2:3
-
Konektado nga asoy ha Biblia:
-
1Sa 16:1-13—Nahibaroan ni propeta Samuel nga diri importante kan Jehova an panggawas nga hitsura; lugod, importante ha Iya an sulod han kasingkasing
-
2Cr 6:28-31—An pag-ampo ni Hadi Solomon ha dedikasyon han templo ni Jehova nagpapakita nga nasasabtan gud han Dios an aada ha aton kasingkasing ngan ginagamit Niya ito nga kahibaro ha pag-ataman ha aton
-