Manmanlɛ dunman mun
?Ɔ fata kɛ Klisifuɛ’m be fa manmanlɛ dunman be flɛ be kpɛnngbɛn mun?
Biblu’n nun ndɛ mɔ be kwla uka e’n:
Lik 18:18, 19—Kannzɛ Zezi ti sran kpa’n sanngɛ w’a kplinman su kɛ be flɛ i “Like Klefuɛ kpa.” Ɔ seli kɛ Zoova kunngba cɛ yɛ ɔ ti kpa-ɔ.
?Ngue ti yɛ Klisifuɛ’m be faman dunman kɛ “Mɔnpɛli” annzɛ manmanlɛ dunman uflɛ be fa flɛman be kpɛnngbɛn mun-ɔn?
Biblu’n nun ndɛ mɔ be kwla uka e’n:
Mat 23:9-12—Zezi seli kɛ nán maan e fa dunman kɛ “Mɔnpɛli” annzɛ manmanlɛ dunman uflɛ e flɛ sran fi.
1Ko 4:14-17—Kannzɛ Ɲanmiɛn sulɛ nun’n akoto Pɔlu yoli kɛ sran wie’m be si sa’n, sanngɛ Biblu’n i lika fi kleman kɛ be flɛli i Mɔnpɛli Pɔlu, annzɛ be fali manmanlɛ dunman uflɛ wie flɛli i.
?Kɛ Klisifuɛ’m be flɛ be wiengu kɛ aniaan’n, ngue ti yɛ i sɔ’n ti su-ɔ?
Nian Yol 12:17; 18:18; Rɔm 16:1 be nun wie.
Biblu’n nun ndɛ mɔ be kwla uka e’n:
Mat 12:46-50—Zezi kɛnnin i weiin kɛ be nga be su Zoova’n be ti i niaan.
?Ngue ti yɛ sɛ Klisifuɛ’m be fa manmanlɛ dunman be flɛ mɛn siefuɛ mun nin jɔlɛ difuɛ mun ɔ nin siefuɛ uflɛ wie mun’n, ɔ ti su-ɔ?
Biblu’n nun ndɛ mɔ be kwla uka e’n:
Yol 26:1, 2, 25—Kɛ akoto Pɔlu kán ndɛ klé mɛn siefuɛ Agripa nin Fɛstisi’n, ɔ fali be manmanlɛ dunman flɛli be.