Eni Na Ya Wan Egbe
Ọ khẹke ne Ivbi Otu e Kristi gha mwẹ eni ne iran ya wan egbe vbe uwu iko ra?
Igiemwi nọ rre Baibol nọ gha sẹtin ru iyobọ nuẹn:
Luk 18:18, 19—Agharhemiẹn wẹẹ, ọmwa nọ maan ẹre Jesu khin, ọ ma kue na tie irẹn “Ọmamwaemwi Nọ Maan”; ọ na wẹẹ, ọmwa rhọkpa i rrọọ nọ maan, vbọ gberra e Jehova ọkpa
Vbọzẹ ne Ivbi Otu e Kristi i na loo avbe eni ne avbe ọkaolotu ugamwẹ ya wan egbe, vbe na ghee “Evbavba (E Fada)” ra “Ọkaolotu”?
Igiemwi ni rre Baibol ni gha sẹtin ru iyobọ nuẹn:
Mat 23:9-12—Jesu keghi gbe uhi ne erhuanegbe ẹre ne iran ghẹ loo avbe eni na ya wan egbe vbe na ghee “Evbavba” ra “Ọkaolotu”
1 Kọr 4:14-17—Agharhemiẹn wẹẹ, te ukọ e Pọl ghaa yevbe erha ne etẹn nibun, ako ọkpa i rrọọ vbe Baibol na na tie Pọl, e Fada ra Evbavba, ra eni ọvbehe vberriọ
Vbọzẹ nọ na khẹke ne Ivbi Otu e Kristi gha tie egbe iran etẹn, kevbe ne iran vbe gha ya obọ nọ maan mu egbe zẹvbe etẹn?
Vbe ya ghee Iwinna 12:17; 18:18; Rom 16:1
Igiemwi nọ rre Baibol nọ gha sẹtin ru iyobọ nuẹn:
Mat 12:46-50—Jesu keghi tae vbe odẹ nọ dewarorua wẹẹ, emwa ne iran gba ga Osanobua ọre etẹn irẹn nikpia kevbe etẹn irẹn nikhuo
Ivbi Otu e Kristi ghaa gu emwa ni rre ukpo ọdakha guan, vbe na ghee avbe ọbuohiẹn kevbe avbe ukọ arriọba, vbọzẹ nọ na khẹke ne iran gha loo eni ne emwa ni rre ukpo ọdakha nii ya wan egbe?
Igiemwi nọ rre Baibol nọ gha sẹtin ru iyobọ nuẹn:
Iwinna 26:1, 2, 25—Vbe ukọ e Pọl ghi gu Agripa kevbe Fẹstọs guan, ọ keghi tie iran eni ne iran ya wan egbe
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
