Jivulukiso jaUlemu
Uno vaka-Kulishitu vatela kuzachisanga jivulukiso jaulemu jamukwitava tahi?
Mijimbu yamuMbimbiliya yize nayimikafwa:
Luk 18:18, 19—Numba tuhu Yesu apwile mutu wamwaza, oloze akanyine kumuvuluka kupwa “Muka-kunangula Wamwaza,” mwomwo ambile ngwenyi Yehova kaha ikiye wamwaza
Mwomwo ika katwazachishilako jivulukiso jamukwitava jakufwana nge “Tata” chipwe “Twamina”?
Mijimbu yamuMbimbiliya yize nayimikafwa:
Mat 23:9-12—Yesu akanyishile kuzachisa jivulukiso jaulemu, jakufwana nge “Tata” chipwe “Twamina”
1Ko 4:14-17—Numba tuhu kaposetolo Paulu apwile nge chisemi kuvatu vavavulu, oloze kavamuvulukilenga ngwavo Tata Paulu chipwe jivulukiso jeka jakufwana nganako
Mwomwo ika chapwila chakutamo vaka-Kulishitu kulivuluka ngwavo vandumbu?
Talenu nawa Vil 12:17; 18:18; Lom 16:1
Mijimbu yamuMbimbiliya yize nayimikafwa:
Mat 12:46-50—Yesu ahanjikile hatoma ngwenyi vakwavo vaka-kwitava vapwile vandumbwenyi vakushipilitu
Mwomwo ika chapwila chakutamo vaka-Kulishitu kuzachisa jivulukiso javaka-kuyula vamujifulumende navaka-mapolitiki, navachambamilonga navilolo veka?
Mijimbu yamuMbimbiliya yize nayimikafwa:
Vil 26:1, 2, 25—Kaposetolo Paulu avulukilenga vaka-kuyula vajifulumende vakufwana nge Angalipa naFwesetu kuzachisa jivulukiso javo jaulemu