Agnaram-boninahitse
Toko’e hitoka o mpitarike fivavahagneo amy ty agnaram-boninahi’e vao ty Kristiana?
Jn 5:41
Fitantaragne amy Baiboly ao afake magnampe:
Lk 18:18, 19: Tsy nimete hotokavegne tihoe “Mpagnanatse Fanjaka” ty Jesosy, fa i Jehovah raike avao ro fagneva ty atao tihoe fanjaka hoe reke
Nagnino ty Kristiana ro tsy mitoka o mpitarike fivavahagneo amy ty agnaram-boninahi’e tihoe ‘Mon Père’ ndra “Mpitarike”?
Fitantaragne amy Baiboly ao afake magnampe:
Mt 23:9-12: Nandrara ty hampiasagne ty agnaram-boninahitse tihoe “Rae” ndra “Mpitarike” ty Jesosy
1Ko 4:14-17: Maregne fa nanjare hoe rae o mpiara-manompo ama’eo ty apostoly Paoly, faie tsy nitoka aze tihoe Paoly Rae’ay ndra agnaragne mitovitovy amy izay iareo
Nagnino ro mete soa naho mifampinday manahake o mpirahalahio ty Kristiana sady mifampitoka tihoe rahalahy naho rahavave?
Henteo ka ty As 12:17; 18:18; Ro 16:1
Fitantaragne amy Baiboly ao afake magnampe:
Mt 12:46-50: Rahalahy naho rahavave’e ara-pagnahy ty fihevera i Jesosy ty mpiara-manompo ama’e
Akore ty ahafantarantika fa afake mitoka o mpitondrao, o mpitsarao naho o ndaty manam-pahefagneo amy ty agnaram-boninahi’e tika?
Ro 13:1, 7; 1Pe 2:17
Fitantaragne amy Baiboly ao afake magnampe:
As 26:1, 2, 25: Naho fa nifampirehake tamy ty mpitondra fanjakagne ty apostoly Paoly, le nampiasa ty agnaram-boninahy iareo. Ohatse zao naho fa ireke nifampirehake tamy i Agripa naho i Festosy