Humilde chuymanïña
Humilde chuymaninakatsa jachʼa jachʼa tukurinakatsa ¿kunsa Jehová Diosajj amuyi?
Sl 138:6; Pr 15:25; 16:18, 19; 22:4; 1Pe 5:5
Pr 29:23; Is 2:11, 12 uñjjattʼarakïta.
-
Bibliankir aka sarnaqäwinakaw yanaptʼistaspa:
-
2Cr 26:3-5, 16-21. Uzías reyejj jachʼa jachʼaw tuküna, Diosan leyiparojj janiw istʼkänti, ewjjtʼapkäna ukhas colerasjjakïnwa. Ukatwa Diosajj lepra usump jupar castigäna.
-
Lu 18:9-14. Humilde chuymaninakan oracionapatsa, jachʼa jachʼa tukurinakan oracionapatsa kunsa Jehová Diosajj amuyi uk qhanañchañatakejja, Jesusajj mä uñachtʼäwitwa parläna.
-
Maynejj humilde chuymamp arrepentiski ukhajja, ¿kunsa Jehová Diosajj luri?
-
Bibliankir aka sarnaqäwinakaw yanaptʼistaspa:
-
2Cr 12:5-7. Rehoboam reyimpi Judá oraqenkir principenakampejj Jehová Dios nayraqatan walpun humillasipjjäna, ukatwa Diosajj jupanakar jan tukjkänti.
-
2Cr 32:24-26. Qalltan Ezequías reyejj taqe kun sumsa lurkchïnjja, qhepat jachʼa jachʼaw chuymapan tukjjäna, ukampis humillasitap laykuw Jehová Diosajj Ezequiasar perdonäna.
-
Mayninakamp sum apasiñatakejj ¿kunjamsa humilde chuymanïñajj yanaptʼistaspa?
Ef 4:1, 2; Flp 2:3; Col 3:12, 13
-
Bibliankir aka sarnaqäwinakaw yanaptʼistaspa:
-
Gé 33:3, 4. Jacob chachajj jilapamp jikiskäna ukhajja, jilapan ukar puriñkamajj paqallq kutiw oraqer puriñkam altʼasïna. Ukham luratapatwa jilapurjamajj mayamp sum apasjjapjjäna.
-
Jue 8:1-3. Gedeón chachajj wali humilde chuymanïnwa, ukatwa Efraín tribunkir chachanakarojj ‘nayat sipans jukʼampinak lurapjjtajja’ sasin säna. Ukham säna ukhajja jupanakajj colerap apjtayasipjjänwa.
-
Humilde chuymanïñajj kunja wakiskirisa ukjja, ¿kunjamsa Jesusajj uñachtʼayäna?
Mt 18:1-5; 23:11, 12; Mr 10:41-45
-
Bibliankir aka sarnaqäwinakaw yanaptʼistaspa:
-
Is 53:7; Flp 2:7, 8. Profecian arunakaparjamajja Jesusajj aka oraqer taqe chuymaw jutäna, ukatjja tʼaqesiyatas uñjasiñapäkchïnjja jupajj humillasïnwa, jiwañkamarakiw Diosarojj istʼäna.
-
Lu 14:7-11. Humilde chuymanïñajj kunjamsa jakañ vidasan yanaptʼistaspa uk uñachtʼayañatakejja, casarasïwin mä jachʼa manqʼäwitwa Jesusajj parläna, “jumar invitkätam ukhajja, jan jumajj mä suma lugarar qontʼasimti” sasaw sarakïna.
-
Jn 13:3-17. Kunjamtï servirinakajj lurapjjerïkäna uka pachparakwa Jesusajj discipulonakan kayunakap jareqäna, ukham lurasaw humilde chuymanïñajj kunja wakiskirisa uk arkirinakapar uñachtʼayäna.
-
Kunjamtï Jehová Diosajj jiwasarusa mayninakarus uñjki ukham uñjañatak chʼamachasiñäni ukhajja, ¿kunjamsa ukajj humilde chuymanïñatak yanaptʼistani?
¿Kunatsa humilde chuymanïksnas ukham tukuñajj janipun walïki?
Akanakajj inas gustarakiristam
¡SARTAPJJAÑÄNI!
Humilde chuymanïña
Wawanakamarutï humildëñ yatichäta ukhajja, jichhasa, jilïrëjjapjjani ukhasa, sumaw jakasipjjani.
BIBLIAN YATICHÄWINAKAPA YATEQAÑÄNI
Jacobumpi Esaú jilapampiw sumankthapipjjäna
¿Kunsa Jacobojj angelampi bendisitäñatakejj luräna? ¿Kunjamsa Esaú jilapampejj sumankthapïna?
JESUSAW THAKISA, CHEQASA, JAKAÑASA
Jesusajj mä tawaqompiru mä oqarampiruw qolläna
Jesusajj mä warmin markapankirinakarojj anoqallunakar uñtayäna ukhajja, ¿kunatsa uka warmejj jan coleraskäna?
JESUSAW THAKISA, CHEQASA, JAKAÑASA
Qhep qhepa Pascuan humilde chuymanïñ yatichäna
Jesusajj kuntï mä esclavojj lurirïkäna uk lurasaw apostolonakar yanaptʼäna.
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
