Wun ase kanlɛ
?Wafa sɛ yɛ Zoova bu wun ase kanfuɛ mun ɔ nin wun tufuɛ mun-ɔn?
Ju 138:6; Ɲan 15:25; 16:18, 19; 22:4; 1Pi 5:5
Nian Ɲan 29:23; Eza 2:11, 12 be nun wie.
-
Biblu’n nun ndɛ mɔ be kwla uka e’n:
-
2Ɲo 26:3-5, 16-21—Famiɛn Oziasi tuli i wun. Afin kɛ ɔ fɔnnin Ɲanmiɛn i mmla’n mɔ Ɲanmiɛn ɲrun jranfuɛ’m be mɛnnin i afɔtuɛ’n, ɔ fali ya. Ɔ maan Ɲanmiɛn fali kokowe guɛli i wun.
-
Lik 18:9-14—Zezi fali sunnzun ase kun fa kleli wafa nga Zoova bu wun tufuɛ mun nin wun ase kanfuɛ’m be srɛlɛ’n.
-
?Sɛ sran kun kɛn i wun ase naan ɔ kle kɛ i sa tɛ’n yo i nsisɔ’n, ngue yɛ Zoova yó-ɔ?
-
Biblu’n nun ndɛ mɔ be kwla uka e’n:
-
2Ɲo 12:5-7—Famiɛn Roboamun nin Zida lɔ sran dandan’m be kannin be wun ase Zoova ɲrun. I sɔ’n ti’n Zoova w’a nunnunman be kun.
-
2Ɲo 32:24-26—Ezekiasi m’ɔ ti Famiɛn kpa’n ɔ tuli i wun blɛ wie nun. Sanngɛ kɛ ɔ kɛnnin i wun ase’n, Zoova yaci cɛli i.
-
?Sɛ e kan e wun ase’n, wafa sɛ yɛ i sɔ’n kwla uka e e nin e wiengu mun e nantilɛ nun-ɔn?
Efɛ 4:1, 2; Fip 2:3; Kol 3:12, 13
-
Biblu’n nun ndɛ mɔ be kwla uka e’n:
-
Bob 33:3, 4—Ezau fali Zakɔbu i wun ya dan kpa. Sanngɛ kɛ Zakɔbu yó i like’n, ɔ kɛnnin i wun ase. I sɔ’n ti’n, be kwla siesieli be afiɛn.
-
Jɔl 8:1-3—Zedeɔn kɛnnin i wun ase. Yɛle kɛ ɔ seli Efraimunfuɛ’m be kɛ be le ɲrun trɛ i. I sɔ’n ti’n be guali be ya’n i ase. Ɔ maan utre w’a tɔman.
-
?Wafa sɛ yɛ Zezi kleli kɛ wun ase kanlɛ’n ti cinnjin-ɔn?
Mat 18:1-5; 23:11, 12; Mar 10:41-45
-
Biblu’n nun ndɛ mɔ be kwla uka e’n:
-
Eza 53:7; Fip 2:7, 8—Kɛ nga Ɲanmiɛn nuan ijɔfuɛ’m be dun mmua kannin sa’n, Zezi kɛnnin i wun ase bali asiɛ’n su wa. Yɛ ɔ kplinnin su kɛ be guɛ i ɲin ase naan ɔ wu ɲrɛnnɛn wie.
-
Lik 14:7-11—Zezi fali tranwlɛ kpakpa’m be su sunnzun ase’n fa kleli kɛ wun ase kanlɛ’n ti cinnjin kpa.
-
Zan 13:3-17—Zezi kleli i sɔnnzɔnfuɛ’m be ajalɛ kpa. Ɔ kɛnnin i wun ase dili junman kun m’ɔ leman ɲrun’n. Yɛle kɛ ɔ wunnzinnin i akoto’m be ja wun.
-
?Sɛ e bu e bɔbɔ nin e wiengu’m be wun akunndan kɛ ng’ɔ nin i fata’n sa’n, wafa sɛ yɛ i sɔ’n kwla uka e naan y’a kan e wun ase-ɔ?
?Ngue ti yɛ sɛ e yo kɛ e ti wun ase kanfuɛ sa’n ɔ ti e bɔbɔ e wun yalɛ klelɛ ngbɛn-ɔn?
Ninnge wie mɔ be kwla yo ɔ fɛ ekun'n
AN TINNGE!
Maan ba’m be yo wun ase kanfuɛ
Sɛ amun uka amun mma mun naan be kan be wun ase dɔ nga su’n, cɛn wie lele’n bé ɲán su ye.
BIBLU’N NUN NDƐ’M BE KLE E LIKE
Zakɔbu nin Ezau be siesieli be afiɛn
?Ngue yɛ Zakɔbu yoli naan anzi’n w’a yrɛ i su-ɔ? ?Ngue yɛ Zakɔbu yoli naan ɔ nin Ezau b’a siesie be afiɛn-ɔn?
ZEZI TI ATIN’N NIN NANWLƐ’N NIN NGUAN’N
Zezi yoli ba bla kun nin sutrefuɛ kun be juejue
Zezi fali bla kun i nvle nunfuɛ mun sunnzunnin alua ba. ?Ngue ti yɛ ndɛ sɔ’n w’a loman bla’n i ngasi-ɔ?
ZEZI TI ATIN’N NIN NANWLƐ’N NIN NGUAN’N
Zezi wunnzinnin i akoto’m be ja wun
Like nga Zezi yoli’n boli i akoto’m be nuan. Afin awlo’n nun kanga mun yɛ be yo i sɔ like liɛ’n niɔn.
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
