Imuegberriotọ
De aro ne Jehova ya ghee emwa ni mu egbe rriotọ kevbe emwa ni tọn egbe mu?
Psm 138:6; Itan 15:25; 16:18, 19; 22:4; 1 Pit 5:5
Vbe ya ghee Itan 29:23; Aiz 2:11, 12
-
Igiemwi ni rre Baibol ni gha sẹtin ru iyobọ nuẹn:
-
2 Krọ 26:3-5, 16-21—Ọba Uzaia keghi suẹn gha tọn egbe mu; vbe ọ ghi rra uhi Osanobua, avbe ohẹn keghi gu ẹre gui ye emwi nọ ru, sokpan, ọ kegha mu ohu; ẹre Osanobua na mu emianmwẹ oti ku ọre
-
Luk 18:9-14—Jesu keghi zẹ erre ọkpa ya gi ima rẹn aro ne Jehova ya ghee erhunmwu ọghe ọmwa nọ tọn egbe mu kevbe nọ mu egbe rriotọ
-
Ọmwa gha mu egbe ẹre rriotọ, ọ na ro iro fi uyinmwẹ werriẹ, de obọ ne Jehova khian ya muẹn?
2 Krọ 7:13, 14; Psm 51:2-4, 17
-
Igiemwi ni rre Baibol ni gha sẹtin ru iyobọ nuẹn:
-
2 Krọ 12:5-7—Ọba e Rehoboam kevbe ekhaẹmwẹ ọnrẹn vbe Juda keghi mu egbe iran rriotọ, iran na lele adia ọghe Jehova, rhunmwuda ọni, e Jehova ma ghi fuẹn iran ruan
-
2 Krọ 32:24-26—Ọba e Hẹzẹkaia ne ọmwa esi keghi suẹn gha tọn egbe mu, sokpan, vbe ọ ghi mu egbe ẹre rriotọ, e Jehova keghi yabọe
-
Adeghẹ ima na gha mu egbe rriotọ, vbọ khian ya ya ima vbe emwa ọvbehe sikẹ egbe sayọ hẹ?
Ẹfis 4:1, 2; Fil 2:3; Kọl 3:12, 13
-
Igiemwi ni rre Baibol ni gha sẹtin ru iyobọ nuẹn:
-
Gẹn 33:3, 4—Isọ kegha mu ohu e Jekọb, sokpan, e Jekọb ghi miẹn ọnrẹn, ọ na kakabọ mu egbe ẹre rriotọ, ọna keghi ya iran eva dọlegbe suẹn gha ku
-
Giọg 8:1-3—E Gidiọn nọ ghaa re ọbuohiẹn keghi mu egbe ẹre rriotọ, ọ na tama Ivbi Ifrem wẹẹ, iran sẹ irẹn; ọna keghi ya Ivbi Ifrem mu ohu fua, iran ma ghi gu e Gidiọn khọn
-
De vbene Jesu Kristi ya gi ima rẹn wẹẹ, ọ khẹke ne ima gha mu egbe rriotọ?
Mat 18:1-5; 23:11, 12; Mak 10:41-45
-
Igiemwi ni rre Baibol ni gha sẹtin ru iyobọ nuẹn:
-
Aiz 53:7; Fil 2:7, 8—Zẹvbe ne avbe akhasẹ tae yotọ, Jesu keghi mu egbe rriotọ, ọ na gha die agbọn na, uhiẹn, ọ na vbe wu uwu obalọ kevbe ọghe ekhue
-
Luk 14:7-11—Jesu keghi zẹ erre ọghe emwa ni hoo ne iran gha tota ye ehe nọ maan sẹ vbe ugie, ya gi ima rẹn wẹẹ, ọ khẹke ne ima gha mu egbe rriotọ
-
Jọn 13:3-17—Jesu keghi mu egbe ẹre rriotọ, ọ na kpe owẹ ọghe avbe ukọ ẹre; te ọ ru ọna nọ ya ma erhuanegbe ẹre wẹẹ, ọ khẹke ne iran gha mu egbe rriotọ
-
Adeghẹ ima i ghee egbe ima gidii, ma na vbe gha ghee emwa ọvbehe vbene Jehova ghee iran, vbọ khian ya ru iyobọ ne ima hẹ, ne ima ya gha mu egbe rriotọ?
Vbọzẹ nẹi na mwẹ esa, deghẹ ọmwa na ba gha ru wẹẹ, irẹn mu egbe rriotọ?
You May Also Like
IRUẸMWI NI RRE UWU E BAIBOL
E Jekọb Vbe Isọ Keghi Ru Adọlọ
De vbene Jekọb ya miẹn afiangbe hẹ vbe obọ odibosa? De vbene ọ ya gu Isọ ru adọlọ hẹ?
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
