Itie Bible oro edin̄wamde fi:

• 2Ch 26:3-5, 16-21​—Edidem Uzziah ama atan̄ idem; enye ama abiat ibet Abasi onyụn̄ ofụt esịt sia ẹma ẹdọhọ ke se enye anamde ifọnke; ekem Jehovah ama ọtọ enye akpamfia

• Lu 18:9-14​—Jesus ama ada uwụtn̄kpọ etịn̄ nte Jehovah esidade akam mbon oro ẹsụhọrede idem ye eke mbon oro ẹtan̄de idem

Itie Bible oro edin̄wamde fi:

• 2Ch 12:5-7​—Edidem Rehoboam ye mbọn̄ Judah ẹma ẹsụhọde idem ẹnyịme se Jehovah ekebierede ẹnyụn̄ ẹkabade esịt, oro ama anam Jehovah isoboke mmọ

• 2Ch 32:24-26​—Edidem Hezekiah emi ekedide eti owo ama atan̄ idem, edi Jehovah ama efen ọnọ enye ini enye okosụhọrede idem

Itie Bible oro edin̄wamde fi:

• Ge 33:3, 4​—Jacob ama enen̄erede osụhọde idem ini enye akakade okosobo ye Esau eyeneka esie emi akayatde esịt ye enye, ndien oro ama anam mmọ mbiba ẹfiak ẹdu ke emem

• Jg 8:1-3​—Gideon emi ekedide ebiereikpe ama osụhọde idem ọdọhọ irenowo emi ẹketode Ephraim ke mmọ ẹkam ẹsọn̄ odudu ẹkan imọ. Ntre mmọ ẹma ẹsụhọde esịt inyụn̄ in̄wanake aba ye enye

Itie Bible oro edin̄wamde fi:

• Isa 53:7; Php 2:7, 8​—Jesus ama osu se mme prọfet ẹketịn̄de ini enye okosụhọrede idem enyịme ndidi isọn̄ ndinam uduak ete esie nnyụn̄ n̄kpa n̄kpa esuene

•  Lu 14:7-11​—Jesus ama ada owo ndiyom akamba itie ke itie usọrọ ọnọ uwụtn̄kpọ emi owụtde ke ọfọn owo osụhọde idem

• Joh 13:3-17​—Jesus ama ekpep mme apostle esie ndisụhọde idem ke ndiyet mmọ ukot, kpa utom emi ofụn ekesinamde