Bible mu nsɛm a ɔbɔboa wo:

• 2Mb 26:​3-5, 16-21—Ɔhen Uzziah ammbrɛ noho adze. Aber a obuu Nyankopɔn ne Mbra do na wotuu no fo no, no bo fuwii na iyi ntsi Nyankopɔn maa kwata yɛɛ no

• Lu 18:​9-14—Jesus yɛɛ mfatoho bi dze kyerɛɛ mbrɛ Jehovah bu ahobrɛadzefo na ahantanfo hɔn mpaabɔ

Bible mu nsɛm a ɔbɔboa wo:

• 2Mb 12:​5-7—Ɔhen Rehoboam na Judah mpanyimfo no brɛɛ hɔnho adze maa Jehovah, iyi ntsi ɔhaw a nkyɛ ɔreba ɔman no do no ennya ammba hɔn do

• 2Mb 32:​24-26—Ɔhen Hezekiah memaa noho do, naaso aber a ɔbrɛɛ noho adze no, Jehovah dze no bɔn kyɛɛ no

Bible mu nsɛm a ɔbɔboa wo:

• Ge 33:​3, 4—Nna Esau no bo efuw no nua Jacob. Ntsi Jacob brɛɛ noho adze aber a okehyiaa no no, na iyi maa asomdwee baa hɔn beenu no ntamu

• Ats 8:​1-3—Ɔtsɛmbuafo Gideon brɛɛ noho adze na ɔkaa kyerɛɛ Ephraimfo no dɛ wɔkyɛn no, iyi maa akasakasa a nkyɛ ɔrosoɛr wɔ hɔn ntamu no annsoɛr

Bible mu nsɛm a ɔbɔboa wo:

• Isa 53:7; Php 2:​7, 8—Jesus brɛɛ noho adze na ɔgyee edwuma a wɔdze hyɛɛ ne nsa dɛ ɔmbɛyɛ wɔ asaase do no too mu. Dɛ mbrɛ nna wɔahyɛ ho nkɔm no, ohun amandze na owu yayaayaw

• Lu 14:​7-11—Jesus dze ngua a nkorɔfo tsena do wɔ aponto ase no kyerɛkyerɛɛ siantsir a no ho hia dɛ yɛbrɛ hɛnho adze no mu

• Joh 13:​3-17—Jesus hohoor n’esuafo no hɔn nan ho, nna iyi yɛ edwuma a ɔba famu; ɔyɛɛ dɛm dze kyerɛɛ hɔn siantsir a no ho hia dɛ wɔkɔ do brɛ hɔn ho adze