Pütchi suluʼuka tü Bibliakalü anaka maʼin:

• 2Cr 26:3-5, 16-21: Yaletajaasü naaʼin Uzías, chi aluwataashikai, aashichijaashi maʼin nia nüchiaanapa natuma na sacerdotekana, sajaʼttaka nüta nutuma Jehová suluʼujee tia.

• Lu 18:9-14: Kayaawasesü nutuma Jesús tü nikirajakalü anain süpüla nüküjain jamüin saaʼin nümüin Jehová chi wayuu yaletakai aaʼin jee chi nnojoikai yaletüin aaʼin.

Pütchi suluʼuka tü Bibliakalü anaka maʼin:

• 2Cr 12:5-7: Nnojotsü yaletüin naaʼin Rehoboam namaa na laülaashiikana saaʼu Judá, anashiisü namüin tü nümakat Jehová, müshiijeseʼe nnojoliin najaʼttinnüin.

• 2Cr 32:24-26: Yaletajaasü naaʼin Ezequías, motopejeʼe naaʼin Jehová naainjala sükajee niyaawajaain suulia.

Pütchi suluʼuka tü Bibliakalü anaka maʼin:

• Gé 33:3, 4: Jashichishi paala Esaú nümüin Jacob, nnojotpejeʼe yaletüin naaʼin Jacob soʼu nüntiraain nümaa chi nuwalakai, suluʼujee tia anajiraashii naya.

• Jue 8:1-3: Nnojotsü yaletüin naaʼin Gedeón soʼu nüküjain namüin na nüikeyuukana Efraín kojutuin naya nuulia, sükajee tia ooʼulaashii naya wayuukana suulia jashiee jee nnojoishii atkaain naya nümaa.

Pütchi suluʼuka tü Bibliakalü anaka maʼin:

• Is 53:7; Flp 2:7, 8: Nnojotsü yaletüin naaʼin Jesús maʼaka naküjatüjülin shia na nünüikimaajanakana Maleiwa, antüshi nia mmapaʼamüin, niʼrüin nümüliala soʼu nuʼutunuin aaʼin jee eʼrüshi nia japülii.

• Lu 14:7-11: Aashajaashi Jesús süchiki tü naainjakat na wayuu aikaajaakana sünain wanee ekawaa, sükajee tia nikiraja anainrü nnojoluinjatüin yaletüin waaʼin

• Jn 13:3-17: Nikirajüin Jesús na aluwataaushikana nnojoluinjatüin yaletüin naaʼin, naaʼinrüin tia sükajee nuʼlojuin nooʼui, tia aʼyatawaakat naaʼinrapuʼuin shia na achepchieekana.