Tɩ luzuu
Lɩmaɣza wena Yehowa wɛnɩ mba poluzuu pa-tɩ nɛ mba pakpazɩɣ pa-tɩ yɔ pɔ-yɔɔ?
Ke 138:6; Adu 15:25; 16:18, 19; 22:4; 1Pɩ 5:5
Cɔnɩ ɖɔɖɔ Adu 29:23; Iza 2:11, 12
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
2Kr 26:3-5, 16-21—Wiyaʋ Uziya kpazɩ ɛ-tɩ; ɛmanɩ Ɛsɔ paɣtʋ yɔɔ, nɛ alɩwaatʋ ndʋ cɔjɔnaa heyi-i se mbʋ ɛlaba yɔ pɩfɛyɩ ɖeu yɔ ɛ-taa wɩ siŋŋ; pʋyɔɔ Yehowa yeba nɛ canatʋ kpa-ɩ
-
Luk 18:9-14—Yesu tɩŋnɩ kɩɖaʋ nakʋyʋ yɔɔ nɛ ɛwɩlɩ lɩmaɣza wena Yehowa wɛnɩ mba pakpazɩɣ pa-tɩ nɛ mba poluzuu pa-tɩ yɔ pa-adɩma yɔɔ yɔ
-
Ɛzɩma Yehowa lakɩ alɩwaatʋ ndʋ nɔɔyʋ luzuu ɛ-tɩ nɛ ekpiɖi ɛ-kɩwɛɛkɩm yɔɔ siŋŋ yɔ?
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
2Kr 12:5-7—Wiyaʋ Robowam nɛ Yuuda awumbiya poluzi pa-tɩ, piyeba nɛ Yehowa tɩɖɩzɩ-wɛ
-
2Kr 32:24-26—Wiyaʋ kɩbanʋ Ezekiyaasɩ kaakpazɩ ɛ-tɩ, ɛlɛ Yehowa kpaɣ nɛ ekpeɣ-i alɩwaatʋ ndʋ eluzi ɛ-tɩ yɔ
-
Ye ɖɩwɛnɩ tɩ luzuu yɔ, ɛzɩma pɩcɛyɩsɩɣ ɖa nɛ lalaa ɖa-taabalɩyɛ?
Efɛ 4:1, 2; Flp 2:3; Kol 3:12, 13
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Kiɖ 33:3, 4—Ezaawuu taa kaawɩnɩ Yakɔɔb, ɛlɛ Yakɔɔb luzi ɛ-tɩ ɛ-tɛɛ siŋŋ alɩwaatʋ ndʋ ɛkatɩ-ɩ yɔ; piyeba nɛ laŋhɛzɩyɛ ɖaɣnɩ wɛʋ pɛ-hɛkʋ taa
-
Tɔh 8:1-3—Tɔm hʋyʋ Gideyɔɔ yɔɔdɩnɩ tɩ luzuu nɛ eheyi Efrayim abalaa se pɛwɛ ɖoŋ nɛ pakɩlɩ ɛnʋ, piyeba nɛ pa-pana hɛɛ nɛ patiyooni-i
-
Ɛzɩma Yesu wɩlaa se tɩ luzuu mʋ ñɩm?
Mat 18:1-5; 23:11, 12; Mak 10:41-45
-
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
-
Iza 53:7; Flp 2:7, 8—Yesu kaawɛnɩ tɩ luzuu, etisi faaa nɛ ɛkɔɔ tɛtʋ yɔɔ nɛ ɛnɩɩ siziŋ nɛ ɛsɩ fɛyɛ sɩm ɛzɩ nayaa kaayɔɔdʋʋ yɔ
-
Luk 14:7-11—Yesu tuu eduuye naɖɩyɛ, ɖɩyɔɔdʋʋ kazandʋ taa lona sɔsɔna taa caɣʋ tɔm nɛ ɛtɩŋnɩ ɖɩ-yɔɔ nɛ ɛwɩlɩ se ye ɖɩwɛnɩ tɩ luzuu yɔ, pɩwazɩɣ-ɖʋ ɖe-wezuu caɣʋ taa
-
Yoh 13:3-17—Yesu kɔ ɛ-wayɩ tɩŋɩyaa nɩŋgbanzɩ lɩm ɛzɩ lɩmɖʋyʋ yɔ nɛ ɛtɩŋnɩ pɩ-yɔɔ nɛ ɛwɩlɩ-wɛ se pɛwɛɛnɩ tɩ luzuu
-
Ye ɖɩñaɣ pana nɛ ɖɩwɛɛnɩ lɩmaɣza wena amʋnaa yɔ ɖa-maɣmaɣ nɛ lalaa yɔɔ yɔ, ɛzɩma pɩsɩɣnɩ-ɖʋ nɛ ɖɩwɛɛnɩ tɩ luzuu?
Ɛbɛ yɔɔ tɩ luzuu mbʋ pɩtɩkɛ toovenim ñɩmbʋ yɔ pɩfɛyɩ wazaɣ?