တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၂၆:၃-၅, ၁၆-၂၁—စီၤပၤဧူးစံယါ ပာ်ထီၣ်ထီအသး ဒီးဖဲပှၤလုၢ်တၢ်ခိၣ်တဖၣ် တဲအီၤလၢ အမၤကမၣ် ကစၢ်ယွၤ အတၢ်သိၣ်တၢ်သီအခါ အသးပှံၢ်ထီၣ်တၢ်. အဃိ ကစၢ်ယွၤစံၣ်ညီၣ်အီၤ ခီဖျိ ဒုးဘၣ်အီၤလၢတၢ်ဆါအၢ.

• လူၤ ၁၈:၉-၁၄—ယ့ၣ်ၡူးသူဝဲ တၢ်ကတိၤဒိတခါ ဒ်သိးကၡဲပၠးဝဲ ယဟိဝၤယွၤ အတၢ်ထံၣ် ဘၣ်ဃးဒီး ပှၤလၢအပာ်ထီၣ်ထီအသး ဒီးပှၤလၢအဆီၣ်လီၤအသး အတၢ်ဃ့ထုကဖၣ်.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၁၂:၅-၇—စီၤပၤရဃၤဘၣ် ဒီးယူဒၤအပဒိၣ်တဖၣ်န့ၣ် ဆီၣ်လီၤအသး ဒီးတူၢ်လိာ်ယဟိဝၤယွၤ အတၢ်ဟံးစုနဲၣ်ကျဲအဃိ ယဟိဝၤယွၤ တမၤဟးဂီၤကွံာ် အဝဲသ့ၣ်ဘၣ်.

• ၂ ကွဲး ၃၂:၂၄-၂၆—စီၤဃံးစကံယၤ ပာ်ထီၣ်ထီအသး ဘၣ်ဆၣ် ဖဲအပီၢ်ယၢ်လီၤက့ၤသးအခါ ယဟိဝၤယွၤ ပျၢ်ကွံာ်အတၢ်ကမၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃၃:၃, ၄—စီၤဧ့ၡီၤ သးဒိၣ်ထီၣ်အပုၢ် စီၤယၤကိာ်ဒိၣ်မး. ဘၣ်ဆၣ် ဖဲအဝဲသ့ၣ်ထံၣ်လိာ်သးအခါ စီၤယၤကိာ် ပာ်ဖျါထီၣ်တၢ်ဆီၣ်လီၤသးအဃိ တၢ်ဃူတၢ်ဖိးအိၣ်ထီၣ်က့ၤလၢ အဝဲသ့ၣ်ခံဂၤအဘၢၣ်စၢၤ.

• စံၣ်ညီၣ် ၈:၁-၃—လၢတၢ်ဆီၣ်လီၤသးအပူၤ စံၣ်ညီၣ်ကွီၢ် စီၤကံးဒဧိၣ် တဲဘၣ်ပှၤအ့ဖရဲၣ်ဖိတဖၣ်လၢ သုဂ့ၤဒိၣ်န့ၢ်ဒံးပှၤဒံး. စီၤကံးဒဧိၣ် အတၢ်ကတိၤအံၤ မၤခုၣ်လီၤက့ၤ ပှၤအ့ဖရဲၣ်ဖိတဖၣ်အသး ဒီးအဝဲသ့ၣ် တဃုတၢ်အ့ၣ်လိာ်ဒီး စီၤကံးဒဧိၣ်လၢၤဘၣ်.

တၢ်အဒိအတဲာ်လၢ လံာ်စီဆှံပူၤ–

• ၡါ ၅၃:၇; ဖံလံး ၂:၇, ၈—ဒ်ဝံတဲပာ်စၢၤဝဲအသိး ယ့ၣ်ၡူးတူၢ်လိာ်ဝဲမူဒါ လၢတၢ်ဆီၣ်လီၤသးအပူၤ, ဟဲလီၤဝဲလၢ ဟီၣ်ခိၣ်ချၢ ဒီးအတူၢ်သံအသး ဆှုၣ်မဲာ်ကဲၤမဲာ် လၢပှၤဟီၣ်ခိၣ်ဖိအဂီၢ်.

•  လူၤ ၁၄:၇-၁၁—ယ့ၣ်ၡူး သိၣ်လိဝဲဘၣ်ဃးဒီး တၢ်ဆီၣ်လီၤသးအဂ့ၢ်. ဒီးယ့ၣ်ၡူး ဟ့ၣ်ဝဲတၢ်အဒိလၢ ဘၣ်ဃးဒီး ဖဲပှၤလဲၤလၢမူးအခါ ကဆ့ၣ်နီၤဝဲ လီၢ်ဆ့ၣ်နီၤလၢ အဂ့ၤကတၢၢ်ဧါ မ့တမ့ၢ် ကဆ့ၣ်နီၤဝဲ လီၢ်ဆ့ၣ်နီၤလၢ အပတီၢ်ဖုၣ်ဧါ.

• ယိၤ ၁၃:၃-၁၇—ဖဲယ့ၣ်ၡူး မၤတၢ်မၤလၢအပတီၢ်ဖုၣ် ဒီးသ့န့ၢ်အတၢ်မၢဖိတဖၣ်အခီၣ်အခါ မ့ၢ်ဒၣ်ယ့ၣ်ၡူး သိၣ်လိအဝဲသ့ၣ်လၢ အဝဲသ့ၣ် ကဘၣ်အိၣ်ဒီးတၢ်ဆီၣ်လီၤသး.