Mɛlɛbɛnwoaze
Kɛzi Gyihova bu menli mɔɔ bɛlɛ bɛ nwo aze nee menli mɔɔ memaa bɛ nwo zo la ɛ?
Ed 138:6; Mrɛ 15:25; 16:18, 19; 22:4; 1Pi 5:5
Eza nea Mrɛ 29:23; Ay 2:11, 12
-
Baebolo kɛlɛtokɛ mɔɔ boa:
-
2Ek 26:3-5, 16-21—Belemgbunli Yuzaya memaanle ɔ nwo zo; yeanli Nyamenle mɛla zo yɛɛ ɔvale ɛya wɔ mekɛ mɔɔ bɛdule ye folɛ la; Nyamenle maanle kokobɛ guale ye
-
Lu 18:9-14—Gyisɛse yɛle ndonwo vale hilehilele kɛzi Gyihova bu anwomemaazoma nee menli mɔɔ bɛlɛ bɛ nwo aze asɔneyɛlɛ la anu
-
Kɛzi Gyihova bu awie mɔɔ bɛlɛ ɔ nwo aze na ɔfi ye ahonle nu ɔnu ɔ nwo la ɛ?
-
Baebolo kɛlɛtokɛ mɔɔ boa:
-
2Ek 12:5-7—Belemgbunli Rilihɔbowam nee Dwuda mgbanyima bɛlɛle bɛ anwo aze wɔ Gyihova anyunlu, ɔti yeanzɛkye bɛ
-
2Ek 32:24-26—Belemgbunli Hɛzikaya yɛle anwomemaazo, noko mɔɔ ɔbɛlɛle ɔ nwo aze la Gyihova vale ye ɛtane hyɛle ye
-
Kɛzi yɛbɛlɛ yɛ nwo aze a ɔmaa yɛ nee awie mɔ nyia agɔnwolɛvalɛ kpalɛ ɛ?
Ɛf 4:1, 2; Fe 2:3; Kɔl 3:12, 13
-
Baebolo kɛlɛtokɛ mɔɔ boa:
-
Gyn 33:3, 4—Gyekɔbo bɛlɛle ɔ nwo aze wɔ mekɛ mɔɔ ɔyiale ɔ diema Yisɔ mɔɔ ɛnee ɔngulo ye edwɛkɛ la na ɛhye maanle anzodwolɛ rale bɛ avinli
-
Ndɛ 8:1-3—Ndɛnebuavolɛ Gedɛyɔn vile mɛlɛbɛnwoaze nu hanle hilele Yifelaem mrenyia ne mɔ kɛ bɛtɛla ye, ɔti bɛanva ɔ nwo ɛya bieko yɛɛ bɛ nee ye ango
-
Kɛzi Gyisɛse hilele kɛ ɔhyia kɛ yɛbɛlɛ yɛ nwo aze ɛ?
Mt 18:1-5; 23:11, 12; Mk 10:41-45
-
Baebolo kɛlɛtokɛ mɔɔ boa:
-
Ay 53:7; Fe 2:7, 8—Kɛ mɔɔ bɛhanle bɛdole ɛkɛ ne la, Gyisɛse vile mɛlɛbɛnwoaze nu liele dole nu kɛ ɔbara azɛlɛ ye azo, bahile ye nyane na yeawu anyiemgba ewule
-
Lu 14:7-11—Gyisɛse yɛle menli mɔɔ kulo kɛ bɛtɛnla ebia kpalɛ zo wɔ ɛkponledolɛ bo la anwo ndonwo ne ɔvale ɔhilele kɛ nvasoɛ wɔ mɛlɛbɛnwoaze zo
-
Dwɔn 13:3-17—Gyisɛse hilehilele ye ɛdoavolɛma kɛ bɛbɛlɛ bɛ nwo aze wɔ mekɛ mɔɔ ɔyɛle gyima mɔɔ bɛmbu ye bie, ɔwowole ye ɛzoanvolɛma agyakɛ anwo la
-
Saa yɛnyia yɛ nwo nee awie mɔ anwo adwenle kpalɛ a kɛzi ɔbaboa yɛ yeamaa yɛabɛlɛ yɛ nwo aze ɛ?
Duzu ati a nvasoɛ ɛnle mɛlɛbɛnwoaze mɔɔ ɛnvi ahonle nu la azo a?
Bie A Eza Ɛ Nye Balie
SUKOA DEBIE FI BAEBOLO NE ANU
Gyekɔbo Nee Yisɔ Zieziele Bɛ Avinli
Kɛzi anwumabɔvolɛ bie yilale Gyekɔbo ɛ? Yɛɛ kɛzi ɔ nee Yisɔ zieziele bɛ avinli ɛ?
YƐ NWO EDWƐKƐ
Maa Yɛrakpɔla Wɔ
Ɛ nee yɛ ɛzuzu Baebolo nu edwɛkɛ bie anwo anzɛɛ sukoa Gyihova Alasevolɛ anwo edwɛkɛ dɔɔnwo.
