Iyolhiden a Mi Ijime
Yehova nengen mba hiden a iyol ijime man mba gengese iyol nena?
Ps 138:6; Anz 15:25; 16:18, 19; 22:4; 1Pe 5:5
Shi nenge Anz 29:23; Yes 2:11, 12
-
Akav agen ken Bibilo a aa fatyô u wasen we yô:
-
2Kr 26:3-5, 16-21—Tor Ushia yange hii u moron iyol; yange per tindi u Aôndo shi mba kôôm un yô ishima vihi un, nahan Yehova haa un imande
-
Lu 18:9-14—Yesu yange ôr injakwagh u tesen er mba gengese iyol man mba hiden a iyol ijime ka vea er msen ve i lu Yehova yô
-
Or ka nana hide a iyol ijime, nana gema ishima sha mimi yô, Yehova a er nena?
2Kr 7:13, 14; Ps 51:2-4, 17
-
Akav agen ken Bibilo a aa fatyô u wasen we yô:
-
2Kr 12:5-7—Tor Rehobiam vea atiator a Yuda yange ve hide a iyol ijime sha ishigh ki Yehova, nahan a kera tim ve ga
-
2Kr 32:24-26—Tor Hesekia u lu tor u dedoo la va hii u moron iyol, nahan kpa yange va hiden a iyol ijime yô, Yehova zungwen un mhôônom
-
Iyol hiden a mi ijime ka i na mlu wase vea mbagenev a seer doon nena?
Ef 4:1, 2; Fil 2:3; Kol 3:12, 13
-
Akav agen ken Bibilo a aa fatyô u wasen we yô:
-
Ge 33:3, 4—Ishima yange i vihi Isou a Yakob, kpa Yakob hide a iyol ijime shighe u zua ishigh a anmgbian na la, kwagh la na yô bem gba hen atô ve
-
Mbaj 8:1-3—Orjir Gidion yange hide a iyol ijime ôr a ior mba Eferaim ér ve hemba un, kwagh la na asema gba ve shimi nahan ve kera nôngo ityav a na ga
-
Yesu yange tese ér ka a inja u hiden a iyol ijime nena?
Mt 18:1-5; 23:11, 12; Mr 10:41-45
-
Akav agen ken Bibilo a aa fatyô u wasen we yô:
-
Yes 53:7; Fil 2:7, 8—Yesu yange hide a iyol ijime lumun u van shin tar va yan iheen shi kpen ku u nyoon, vough er kwaghôron u profeti ôr nahan
-
Lu 14:7-11—Yesu yange ôr kwagh u ajiir a teman a hen iniongo u tesen er i lu a inja u hiden a iyol ijime yô
-
Yh 13:3-17—Yesu yange ver mba dondon un ikyav i iyol hiden a mi ijime shighe u ôô ve angahar la, sha ci u lu ikpan eren tom ne ye
-
Aluer se mba nengen iyol yase kua mbagenev sha gbenda u vough yô kwagh la una wase se u hiden a iyol ijime nena?
Iyol hiden a mi ijime i sha mimi ga la ngi a iwasen ga sha ci u nyi?
Kwagh Ugen u Alaghga Shi Una Doo U Yô
HEN AKAAINJAA KEN BIBILO
Yakob Hime Iyongo Vea Isou
Yakob yange er nan ve zua a iveren hen ortyomo? Man yange hime iyongo vea Isou nena?
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
