Pagin Mapainubsanon
Ano an inaabat ni Jehova ha mga mapainubsanon ngan ha mga mapahitas-on?
Sal 138:6; Pr 15:25; 16:18, 19; 22:4; 1Pe 5:5
Kitaa liwat an Pr 29:23; Isa 2:11, 12
-
Konektado nga asoy ha Biblia:
-
2Cr 26:3-5, 16-21—Hi Hadi Uzias nagin mapahitas-on, gintalapas niya an Balaud han Dios ngan nasina han ginsagdonan hiya; ginsirotan hiya han Dios pinaagi hin sakit nga liprosi
-
Lu 18:9-14—Gumamit hi Jesus hin ilustrasyon basi isaysay kon ano an inaabat ni Jehova ha pag-ampo han mga mapahitas-on ngan han mga mapainubsanon
-
Ano an ginbubuhat ni Jehova ha mga mapainubsanon ngan sinsero nga nagbabasol?
2Cr 7:13, 14; Sal 51:2-4, 17
-
Konektado nga asoy ha Biblia:
-
2Cr 12:5-7—Hira Hadi Rehoboam ngan an mga prinsipe han Juda nagpaubos, tungod hito waray hira bungkaga ni Jehova
-
2Cr 32:24-26—An maopay nga hi Hadi Hezekias nagin mapahitas-on, pero ginpasaylo hiya ni Jehova han nagpaubos hiya
-
Paonan-o an pagin mapainubsanon nabulig ha aton nga mas maparig-on pa an aton relasyon ha iba?
Efe 4:1, 2; Fil 2:3; Col 3:12, 13
-
Konektado nga asoy ha Biblia:
-
Ge 33:3, 4—Hi Esau nasisina kan Jacob pero hi Jacob nagin mapainubsanon gud han nagkita hira ngan tungod hito nagin murayaw utro an ira relasyon
-
Huk 8:1-3—Mapainubsanon nga ginsidngan ni Hukom Gideon an kalalakin-an han Efraim nga mas labaw hira kay ha iya, tungod hito kumalma hira ngan nalikyan an samok
-
Paonan-o igintutdo ni Jesu-Kristo nga importante nga magin mapainubsanon kita?
Mat 18:1-5; 23:11, 12; Mar 10:41-45
-
Konektado nga asoy ha Biblia:
-
Isa 53:7; Fil 2:7, 8—Sugad han igintagna, mapainubsanon hi Jesus ngan andam hiya kumanhi ha tuna ngan mamatay ha masakit ngan makaarawod nga paagi
-
Lu 14:7-11—Igin-istorya ni Jesus an mahitungod ha pagpili hin maopay nga lingkoran ha panagtawo basi iilustrar kon ano kaimportante an pagkamapainubsanon
-
Ju 13:3-17—Gintutdoan ni Jesus an iya mga sumurunod hin pagin mapainubsanon han ginbuhat niya an trabaho han usa nga surugoon ngan ginhimsawan an mga apostol
-
Paonan-o an husto nga panhunahuna ha aton kalugaringon ngan ha iba mabulig ha aton nga magin mapainubsanon?
Kay ano nga waray pulos an pagpakunokuno nga mapainubsanon?