Diosar taqpach chuymamp serviña
¿Diosar taqpach chuymamp serviñajj kamsañsa muni?
Sl 18:23-25; 26:1, 2; 101:2-7; 119:1-3, 80
-
Bibliankir aka sarnaqäwinakaw yanaptʼistaspa:
-
Le 22:17-22. Jehová Diosatakejja sacrificiot loqtasiñapäkäna uka animalajj ‘janiw kuna kamachtʼatäñapäkänsa’. ‘Jan kuna kamachtʼata’ sasin traduciski uka arunakajja, hebreo arurjamajj kunjamsa Diosar taqpach chuymamp servisiñapa uka toqet parlañatakiw apnaqasi. Ukhamasti Jehová Diosar taqpach chuymamp serviñajj wali wakiskiriwa, jupa saparukiw sum adorañasa.
-
Job 1:1, 4, 5, 8; 2:3. Jehová Diosar phoqat chuymamp serviñatakejja kunatsa jupar respetañajj wakisi, kunatsa taqe chuyma jupar serviñasa, kunatï jupatakejj jan walïki ukanak kunatsa jan lurañasäki taqe ukanak Job chachaw uñachtʼayistu. Job chachajj jiwañkamaw Diosarojj taqpach chuymamp servïna.
-
¿Kunatsa Diosar taqpach chuymamp serviñajj wakisi?
Diosar taqpach chuymamp serviskakiñatakejj ¿kunas yanaptʼistaspa?
¿Kunjamatsa Diosarojj taqpach chuymamp sirvsna?
Dt 5:29; Is 48:17, 18 uñjjattʼarakïta.
-
Bibliankir aka sarnaqäwinakaw yanaptʼistaspa:
-
Job 31:1-11, 16-33. Job chachajj Jehová Diosarojj jan jitheqtasaw servïna, ukatwa qʼañu juch jan lurkänti, janirakiw qollqe chuymäkänsa, mayninakarus respetompiw uñjäna, Jehová Diosarojj wali sumwa adoräna, idolonakarojj janipuniw adorkänti.
-
Da 1:6-21. Daniel profetasa kimsa amigonakapasa Jehová Diosar jan respetiri jaqenak taypinwa jakapjjäna, ukampis Diosan Leyiparjamajj kunanaktï jan manqʼapjjañapäkäna ukanak janiw manqʼapkänti, ukham lurasaw Diosar taqpach chuymamp servipjjatap uñachtʼayapjjäna.
-
Maynitï jachʼa juchanakar kutin kutin purtʼasispa ukhajja mayampiw Diosar taqpach chuymamp servispa, ¿kunatsa ukham sistanjja?
-
Bibliankir aka sarnaqäwinakaw yanaptʼistaspa:
-
1Re 9:2-5; Sl 78:70-72. David reyejj juchanakapat arrepentisïna ukhajja Jehová Diosajj perdonänwa, ‘jupajj taqpach chuymampiw nayar servitu’ sasaw Davidat sarakïna.
-
Is 1:11-18. Jehová Diosajj markaparojj akham sänwa: “Juchanakamajj wila color isjamäkchisa, janqʼo tʼarwar uñtasit tukuyatäniwa” sasa.
-
Akanakajj inas gustarakiristam
BIBLIAN YATICHÄWINAKAPA YATEQAÑÄNI
David reyin jachʼa juchapa
Jan walinak lurañajj kunayman jan walinakaruw api.
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
