Halimbawa sa Bibliya:

• Le 22:​17-22—Kahagadan ni Jehova na an atang na mga hayop dapat na “daing depekto”; an mga tataramon na “daing depekto” konektadong marhay sa Hebreong tataramon na itinatradusir na “integridad,” na nagpaparisa na kalabot sa integridad an satong bilog, o lubos, na debosyon ki Jehova

•  Job 1:​1, 4, 5, 8; 2:3—Maririsa sa bilog na buhay ni Job na tanganing magkaigwa nin integridad, an saro dapat na may hararom na paggalang ki Jehova, bilog na puso na sinasamba Siya, asin linilikayan kun ano an maraot sa paghiling Niya

Halimbawa sa Bibliya:

• Job 31:​1-11, 16-33—Ipinahiling ni Job sa saiyang buhay sa aroaldaw an saiyang integridad paagi sa paglikay sa imoralidad asin pagtratar sa iba nin may kabuutan saka dignidad. Si Jehova sana an sinamba niya, bako an mga idolo, asin pinahalagahan niya an saiyang relasyon sa Diyos kisa sa materyal na mga bagay na igwa siya

• Da 1:​6-21—Dawa napapalibutan nin mga tawo na dai nagsasamba ki Jehova, pinagdanay ni Daniel saka kan tulo niyang amigo an saindang integridad dawa sa pagpili kun ano an kakakanon ninda