Kpɔ́ndéwú Biblu tɔn e sixú d’alɔ we lɛ́ é:

• Le 22:17-22: Jexóva byɔ́ ɖɔ kanlin e “ma ɖó blɔ̌ ɖo wǔ” ǎ, alǒ ɖo blěbú lɛ́ é wɛ è ná nɔ sɔ́ dó sá vɔ̌ nú émí; xógbe “ma ɖó blɔ̌ ɖo wǔ” ɔ cá kan tawun xá xókwín Ebléegbe tɔn e è tínmɛ bɔ é nyí “gbejíninɔ” é, bɔ énɛ́ ɖo xlɛ́xlɛ́ wɛ ɖɔ gbejíninɔ mǐtɔn nú Jexóva ɖó ná ɖo blěbú, alǒ nyí mlɛ́mlɛ́

• Hwl 1:16, 17; 3:10: Hwliti kán ɖ’é jí bo ná nɔ gbejí nú Nɔemíi bo lɛ́ nɔ gbejí nú Jexóva

• 2Ax 2:1, 2, 4, 6: Elizée kán ɖ’é jí bo ná tɛ́ dó gbeyíɖɔ Elíi wú kpó gbejíninɔ kpó

• Jɔb 1:1, 4, 5, 8; 2:3: Jɔbu sín gbɛzán xlɛ́ ɖɔ cóbónú mɛɖé ná nyí gbejínɔtɔ́ ɔ, é ɖó ná ɖó sísí ɖaxó nú Jexóva, nɔ sɛn Ɛ kpó ayi bǐ kpó, bo ná nɔ lɛ́ nyi alɔ nú nǔ e nylá ɖo nukún Tɔn mɛ lɛ́ é

 Kpɔ́ndéwú Biblu tɔn e sixú d’alɔ we lɛ́ é:

• Jɔb 31:1-11, 16-33: Jɔbu nyi alɔ nú nǔblíblíwiwa, bo lɛ́ wa nǔ xá mɛ ɖěvo lɛ́ kpó xomɛnyínyɔ́ kpó, kpódó yɛ̌yi kpán, mɔ̌ mɛ ɔ, é ɖe xlɛ́ ɖɔ émí ɖo gbejí nú Jexóva bǐ mlɛ́mlɛ́. É tɛ́n kpɔ́n bo sɛn Jexóva ɖo ali e mɛ́ é nu, bo nyi alɔ nú bǒcyɔsinsɛn kpó nǔ agbaza tɔn lɛ́ gbé nyinya kpó

• Da 1:6-21: Nǔmaɖitɔ́ lɛ́ wɛ lɛ́ lɛ̌ dó Daniyɛ́li kpó gbɛ̌ tɔn atɔn lɛ́ kpó có, yě nɔ gbejí, hwenu e é tlɛ byɔ́ ɖɔ yě ní wá gbeta nǔ e yě ná ɖu lɛ́ é tɔn kɔn é