Ẹgbakiete
Eme họ ẹgbakiete?
Ol 18:23-25; 26:1, 2; 101:2-7; 119:1-3, 80
-
Iriruo Ebaibol nọ e sai fiobọhọ kẹ owhẹ:
-
Ize 22:17-22—Jihova ọ ta nọ erao nọ a re ro dhe idhe kẹe e rẹ jọ “kọkọ,” oware ovo o rẹ thọ kugbe ae he. Ẹme nọ a fa “kọkọ” na ọ wọhọ ọkpọ ẹme Hibru nọ a fa “ẹgbakiete,” onọ u dhesẹ nọ ẹgbakiete u dikihẹ kẹ omamai kpobi nọ ma rẹ rọ kẹ Jihova riẹriẹriẹ
-
Job 1:1, 4, 5, 8; 2:3—Uzuazọ nọ Job o yeri u dhesẹ nọ re ohwo ọ gbakiete, o re wo adhẹẹ odidi kẹ Jihova, ọ rẹ rọ udu riẹ kpobi gọe, jẹ kẹnoma kẹ oware nọ u yoma evaọ aro Riẹ
-
Fikieme o rọ gwọlọ nọ ma rẹ gbakiete?
Eme ọ rẹ sae wọ omai kru ẹgbakiete mai?
Je rri Itẹ 27:11; 1Jọ 5:3
Ẹvẹ ma sae rọ jọ ahwo nọ a gbakiete, ma ve je kru ẹgbakiete mai?
Je rri Izi 5:29; Aiz 48:17, 18
-
Iriruo Ebaibol nọ e sai fiobọhọ kẹ owhẹ:
-
Job 31:1-11, 16-33—Job o dhesẹ nọ ọ gbakiete evaọ oghẹrẹ nọ o je yeri uzuazọ riẹ kẹdẹ kẹdẹ. O je gbe-ọfariẹ hẹ, yọ o je dhesẹ uwowou kẹ amọfa je bru ọghọ họ ae oma. Ọ jẹ rọ udu riẹ kpobi gọ Jihova, ọ jẹ gọ ẹdhọ họ, yọ o rri usu riẹ kugbe Jihova ghare vi ekwakwa efe
-
Da 1:6-21—Daniẹl avọ egbẹnyusu esa riẹ a kru ẹgbakiete rai keme a koko uzi Jihova kpahe oghẹrẹ emu nọ a rẹ re, o make rọnọ a jọ udevie egedhọ
-
Otẹrọnọ ohwo ọ raha izi buobu no, kọ ọ sae wariẹ gbakiete hayo kiẹrẹe?
-
Iriruo Ebaibol nọ e sai fiobọhọ kẹ owhẹ:
-
1Iv 9:2-5; Ol 78:70-72—Nọ Devidi o kurẹriẹ no izieraha riẹ no, Jihova ọ rọvrẹ riẹ, yọ o rri rie nọ o kiẹrẹe
-
Aiz 1:11-18—O make rọnọ Jihova o brukpe ahwo riẹ fikinọ a raha izi buobu no, ọ ya eyaa kẹ ae nọ ọ sai ru ai fo riẹriẹriẹ otẹrọnọ a kurẹriẹ no idhere imuomu rai
-