Ngerekano irĩ thĩinĩ wa Bibilia:

• Ala 22:​17-22—Jehova aathanĩte atĩ nyamũ ĩrĩa ĩngĩarutirũo igongona ĩkorũo “ĩtarĩ na kaũgũ.” Kiugo kĩrĩa gĩtaũrĩtwo “ĩtarĩ na kaũgũ” nĩ gĩkonainie mũno na kiugo gĩa Kĩhibirania kĩrĩa gĩtaũrĩtwo “wĩkindĩru.” Ciugo icio ciugĩte kĩndũ kĩrĩ gĩothe, kwoguo wĩkindĩru ũhutĩtie kũhe Jehova wĩrutĩri witũ wothe

• Ayu 1:​1, 4, 5, 8; 2:3—Ũtũũro wa Ayubu nĩ woonanirie atĩ nĩguo mũndũ akorũo na wĩkindĩru, no mũhaka akorũo etigĩrĩte Jehova na gĩkĩro kĩnene, amũthathaiye na ngoro yothe, na etheme gwĩka maũndũ marĩa Jehova athũire

Ngerekano irĩ thĩinĩ wa Bibilia:

• Ayu 31:​1-11, 16-33—Ayubu oonanirie atĩ aarĩ na wĩkindĩru na njĩra ya gwĩthema ngomanio itagĩrĩire na kũrũmbũyania na andũ arĩa angĩ arĩ na ũtugi na gĩtĩo. Aaigire ũthathaiya wake harĩ Jehova ũrĩ mũtheru na njĩra ya gwĩthema mĩhianano na gwĩthema kwenda indo cia gũkũ thĩ

• Da 1:​6-21—Danieli na arata ake atatũ Ahibirania nĩ maathĩkĩire mawatho ma Jehova o hamwe na watho wĩgiĩ irio iria maagĩrĩirũo kũrĩa, o na gũtuĩka maathiũrũrũkĩirio nĩ andũ mataathathayagia Jehova