တၢ်သးတီ
တၢ်သးတီန့ၣ် အဲၣ်ဒိးတဲဝဲ တၢ်မနုၤလဲၣ်.
စံး ၁၈:၂၃-၂၅; ၂၆:၁, ၂; ၁၀၁:၂-၇; ၁၁၉:၁-၃, ၈၀
-
တၢ်အဒိအတဲာ်လၢ လံာ်စီဆှံပူၤ–
-
၃ မိၤ ၂၂:၁၇-၂၂—ယဟိဝၤယွၤ မၢပှၤလုၢ်ထီၣ် ဆၣ်ဖိကီၢ်ဖိလၢ အဂ့ၤ ဒီး “အလၢအပှဲၤ” ဒီးအတက့တကွဲၣ်ဘၣ်. ဧ့ၤဘြံၤတၢ်ကတိၤလၢ အခီပညီမ့ၢ်ဝဲ “အလၢအပှဲၤ”န့ၣ် လီၤဂာ်လိာ်သးဒီး တၢ်ကတိၤလၢအမ့ၢ် “တၢ်သးတီ” အဃိ တၢ်သးတီန့ၣ် အဲၣ်ဒိးတဲဝဲလၢ ပကဘၣ် သးတီဒီး ယဟိဝၤယွၤလၢ ပသးဒီဖျၢၣ်.
-
ဘး ၁:၁, ၄, ၅, ၈; ၂:၃—လၢစီၤယိၤဘး အတၢ်အိၣ်မူန့ၣ် ပာ်ဖျါထီၣ်ဝဲလၢ ဒ်သိး ပကအိၣ်ဒီး တၢ်သးတီအဂီၢ် ပကဘၣ်ပာ်ကဲ ယဟိဝၤယွၤ ဒီးဘူၣ်ထီၣ်ဘါထီၣ်အီၤ လၢပသးဒီဖျၢၣ် ဒီးဟးဆှဲးတၢ်လၢ ယဟိဝၤယွၤ ထံၣ်ဝဲလၢအတဂ့ၤဘၣ်တဖၣ်.
-
ဘၣ်မနုၤအဃိ ကပဘၣ်အိၣ်ဒီး တၢ်သးတီလဲၣ်.
စံး ၇:၈, ၉; ၂၅:၂၁; ၄၁:၁၂; ကတိၤ ၁၀:၉; ၁၁:၃
ကွၢ်စ့ၢ်ကီး မၢ် ၁၂:၃၀
ပကဆဲးအိၣ်ဒီး တၢ်သးတီအဂီၢ် တၢ်မနုၤကမၤစၢၤပှၤလဲၣ်.
ကွၢ်စ့ၢ်ကီး ကတိၤ ၂၇:၁၁; ၁ ယိၤ ၅:၃
ပမၤဒိၣ်ထီၣ်အါထီၣ် ပတၢ်သးတီ ဒီးပဆဲးပၢၤဃာ်အီၤ ကသ့ဒ်လဲၣ်.
ကွၢ်စ့ၢ်ကီး ၅ မိၤ ၅:၂၉; ၡါ ၄၈:၁၇, ၁၈
-
တၢ်အဒိအတဲာ်လၢ လံာ်စီဆှံပူၤ–
-
ဘး ၃၁:၁-၁၁, ၁၆-၃၃—စီၤယိၤဘး ပာ်ဖျါထီၣ်လၢ အတီဒီး ယဟိဝၤယွၤ ခီဖျိအဝဲဟးဆှဲး တၢ်မၤကမၣ်မုၣ်ကမၣ်ခွါ, ရ့ဒီးပှၤဂၤတဖၣ်လၢ တၢ်အဲၣ်တၢ်ကွံ ဒီးလၢတၢ်ယူးယီၣ်ပာ်ကဲအပူၤ. စီၤယိၤဘး ဘူၣ်ထီၣ်ဘါထီၣ်ထဲ ယဟိဝၤယွၤတဂၤ ဒီးအတဘူၣ်ထီၣ်ဘါထီၣ် တၢ်ဂီၤတၢ်ဖှီၣ်ဘၣ်. ဒီးအပာ်လုၢ်ပာ်ပှ့ၤ အတၢ်ရ့လိာ်သးဒီး ယဟိဝၤယွၤ အါန့ၢ်ဒံး အပာ်လုၢ်ပာ်ပှ့ၤ တၢ်ထူးတၢ်တီၤဒံး.
-
ဒၤ ၁:၆-၂၁—စီၤဒၤနံးယ့လး ဒီးအသကိးသၢဂၤန့ၣ် ဘၣ်အိၣ်ဝဲလၢ ပှၤလၢ အတဘူၣ်ထီၣ်ဘါထီၣ် ယဟိဝၤယွၤဘၣ်အကျါ. သနာ်က့ စီၤဒၤနံးယ့လး ဒီးအသကိးတဖၣ်န့ၣ် အဝဲသ့ၣ်တီဒီး ယဟိဝၤယွၤ တကးဒံးဘၣ် အဝဲသ့ၣ် တအီၣ်ဝဲတၢ်အီၣ်လၢ အတကဆှီတဖၣ်ဘၣ်.
-
ပှၤတဂၤမ့ၢ်မၤဘၣ် တၢ်ကမၣ်ဖးဒိၣ် တဘျုးဘျီသနာ်က့ လၢခံအကဲထီၣ်က့ၤ ပှၤလၢအအိၣ်ဒီး တၢ်သးတီကသ့ဒံးဧါ.
-
တၢ်အဒိအတဲာ်လၢ လံာ်စီဆှံပူၤ–
-
၁ စီၤပၤ ၉:၂-၅; စံး ၇၈:၇၀-၇၂—ခီဖျိလၢ စီၤဒၤဝံး ပီၢ်ယၢ်လီၤအသးအဃိ ယဟိဝၤယွၤ ပျၢ်ကွံာ်အတၢ်ကမၣ် ဒီးယဟိဝၤယွၤ ထံၣ်အီၤဒ် ပှၤလၢအအိၣ်ဒီး တၢ်သးတီတဂၤ.
-
ၡါ ၁:၁၁-၁၈—ယဟိဝၤယွၤ တဲဘၣ်အပှၤဂီၢ်မုၢ်လၢ သုမၤဘၣ်တၢ်ဒဲးဘး လၢအဒိၣ်အမုၢ်ဘၣ်ဆၣ် သုမ့ၢ်ပီၢ်ယၢ်လီၤက့ၤသး ဒီးတမၤတၢ်အၢတၢ်သီလၢၤဘၣ်န့ၣ် ယကပျၢ်ကွံာ်သုတၢ်ကမၣ် လၢာ်လၢာ်ဆ့ဆ့.
-