Kushinshika
Kashinshi hichumanyi?
Ms 18:23-25; 26:1, 2; 101:2-7; 119:1-3, 80
-
Nsañu yamuBayibolu yikuyikwasha:
-
Lev 22:17-22—Yehova wakeñeleña mulambu wachimuna kwikala wakadi “ihuji,” izu dakwila nawu “ihuji” dafuma kwizu dachiHeberu dabalumunawu nawu “kashinshi,” dikwila nawu kwikala ashinshika mwabombela kudihana chikupu kudi Yehova
-
Yob 1:1, 4, 5, 8; 2:3—Chihandilu chaYoba chamwekeshaña nawu muntu washinshika, wamulemeshaña chikupu Yehova, wadifukulaña hohu kudi Yena namuchima wejima nawa helaña yuma yahelayiku
-
Muloñadi wutwatela kwikalila ashinshika?
Chumanyi chinateli kutukwasha kutwalekahu kwikala ashinshika?
Talenu cheñi Yis 27:11; 1Yo 5:3
Tunateli kwikala ñahi ashinshika nawa tunateli kuhemba ñahi kashinshi ketu?
Talenu cheñi Kuh 5:29; Isa 48:17, 18
-
Nsañu yamuBayibolu yikuyikwasha:
-
Yob 31:1-11, 16-33—Yoba wamwekesheli nindi wadiña washinshika kudi Yehova kuhitila mukubula kudiñija munsañu jawuvumbi nawa wayitiyilileña antu luwi nikuyilemesha. Wadifukwileña kudi Yehova chakubula kupesha nawa hashili muchima hamahetaku
-
Dan 1:6-21—Hela chakwila adiña nawantu abula kwitiya, Danyeli niamabwambu jindi asatu atwalekelihu kwikala ashinshika nihampinji yayinkeleñawu yakuda
-
Neyi muntu nakoñi yiluwa yayivulu nankashi, komana nateli kwikala cheñi washinshika?
-
Nsañu yamuBayibolu yikuyikwasha:
-
1An 9:2-5; Ms 78:70-72—Chineli Mwanta Davidi wabalumukili mumuchima nawa amwanakeneni, Yehova wamumweneña Davidi nindi wadiña washinshika
-
Isa 1:11-18—Yehova wayilejeli antu jindi nindi akoñeli nshidi jasweja, ilaña wadi kuyanakena neyi abalumukili munyichima nakuleka kwila yuma yatama
-